Belgili ánshi Aıgúl Imanbaeva "1001 tún" baǵdarlamasyna bergen suhbatynda óziniń Dımash Qudaıbergennen asyp túsetin ánshini daıyndaımyn dep aıtty. Bul týraly Alash.kz málimdeıdi.
Ár adamnyń óz mısıasy bar ekenin, jáne óziniń maqsaty Qazaqstanǵa eńbegi sińetin shákirtterdi tárbıeleý ekenin baıandady.
Kim qandaı maqsatta oqyp keletinin men bilmeımin. Jalpy meniń maqsatym, qaı jerde otyraıyn, qaı jerde júreıin maǵan óner degen joldy Qudaı mańdaıyma amanat qyp berdi ma, men osy jolda da qyzmet ete alamyn. Meniń ózimniń AI akademıam bar, AI teatrym bar, memlekettik ýnıversıtette AI sheberhanam bar. Men isteıtin jumys kóp. Sol sebepti de qazir men jıyp-terip ákelgen energıamdy da, oıymdy da talan-tarajǵa túsirmeı, úırengenimniń bárin, jazatynyn jazyp keldim, sonyń bárin shákirtterime beremin, - deıdi ánshi.
Álemge tanymal tulǵalardy daıyndap shyǵatyny týraly da tilge tıek etti.
Ár óner adamynyń arqalap júrgen mısıasy bar, joly bar. Meniń mısıam – aldymda 500 shákirt otyr, oqýshysy bar, stýdenti bar, shákirti bar, sol urpaqtyń óresi bıik bolýy, bilimdi bolýy, talantty bolýy. Onyń nátıjesin Dımash kórsetti, ıaǵnı Dımashtan asyp túsetin, Dımashtyń deńgeıinde júretin qazaqta óresi de bıik, bilim de joǵary talantty ul-qyzdary jetedi. Olardy jol kórsetip tárbıeleıtin kim? Óresi bar, bilimi bar, talanty bar ustaz. Men ózimdi sol qatardan kóremin, - dedi Aıgúl Imanbaeva.
