UFC-degi jalǵyz qazaqstandyq qyz Marıa Agapova jekpe-jegi aldynda úısiz qalatynyn jáne seksaýldy quldyqqa satylyp ketýi múmkin ekenin aıtty.
Qazaqstandyq aralas jekpe-jek sheberi Marıa Agapova UFC-degi kelesi jekpe-jegi aldynda úısiz qalatynyn málimdep, kómek surady.
“Bir aptadan keıin taǵy úısiz qalamyn. Sizderge tańǵalarlyq jaǵdaı ma? Maǵan joq. Dál UFC-degi jekpe-jektiń aldynda úısiz qalý Amerıkadaǵy ómirimniń bir bólshegine aınalyp bara jatqan dúnıe. Baspana jaldaıtyn jaǵdaıym da, aqsham da bolmaǵandyqtan, bir aptadan soń bas saýǵalaıtyn oryn izdeýge májbúr bolamyn. Qazir adamdarǵa senýden qaldym. Adamdar meni qanap, paıdalanyp qana qoımaı, jeke shekaramdy buzyp, ómirime qol suǵyp jatyr. Sonyń ishinde, meni syrtymnan seksaýldy quldyqqa satyp jibergisi keledi. Adamdy qanaıtyn emes, kómekteskisi keletin qaıyrymdylyq qoryn biletinder bar ma? Ótinish, maǵan jazyńyzdarshy”– dedi Marıa.
Aıta keteıik, Marıa Agapova UFC tujyrymynda 5 jekpe-jek ótkizip, sonyń ekeýinde jeńiske jetse, úsh ret qarsylastaryna ese jibergen. Ol sońǵy ret sharshy alańǵa 2022 jyly shyqty. Eki jyldyq úzilisten keıingi jekpe-jegin Agapova 13 shilde kúni, brazılıalyq Lýnano Santosqa qarsy ótkizedi.
