Tiri bolsam, qazaqqa qyzmet etpeı qoımaımyn!

Álıhan Bókeıhan

"Saltanattyń taǵdyryn keshetinimdi aıtty". Aqtóbeden taǵy bir Bıshimbaev paıda boldy

24 mamyr 2024 367

Aqtóbelik jigit medbıkeni bir aı boıy ańdyǵan, - dep habarlaıdy Alash.kz saıty "Dıapazon" saıtyna silteme jasap.

Er adam esikti qıratyp, medbıke qyz Saltanattyń taǵdyryn keshetinin aıtqan. Er adam qyzmetkerlerdi qorqytyp, artynsha qashyp ketken. 

 
Oqıǵa qaladaǵy 22 mamyrda Otbasylyq medısına ortalyǵynda bolǵan. 

"Kabınette úsheýimiz otyramyz. Saǵat tańǵy 10 shamasynda qolynda sıren gúli bar er adam kirip keldi. Bul bir naýqas dep oıladyq. Biraq bul meni bir aı boıy ańdyp júrgen jigit bolyp shyqty. Buǵan deıin maǵan birneshe ret habarlasty. Eń alǵash ony qyzdarmen fýtbolda sáýir aıynda kórdik. Artynsha maǵan ınstagramda jazyp júrdi. Men ýchaskelik medbıkemin, sondyqtan meniń nómirimdi de tabý qıyn emes. Ol jigit maǵan ártúrli nómirmen habarlasyp júrdi. Kezdesýimizdi talap etti. Ol jigitten orqa bastadym.

Jaqynda meniń úıimniń qasynda turǵanyn aıtyp shyǵýymdy surady. Men jaıymda qaldyrýyn surap, meniń jigitim baryn aıttym. Taǵy da habarlasqannan keıin polısıaǵa habarlastym. Patrúl kelip, aryz jazdym. 22 mamyrda ol jigit jumysyma kelip, aıǵaılap, men sóılesip júrgen jigit túrmede otyrǵanyn aıtyp, maǵan Bıshimbaev sekildi áreketter jasap, men Saltanattyń taǵdyryn keshetinimdi aıtty", - dep jazdy Massaget.kz 22 jastaǵy Amangúl týraly.        

Jergilikti polısıa departamenti er adam ustalǵanyn habarlaǵan. Polısıa málimetinshe, er adam psıhıatrıalyq esepte tur, ony psıhbrıgada alyp ketken. 

Bul maqala týraly ne oılaısyz?