Tiri bolsam, qazaqqa qyzmet etpeı qoımaımyn!

Álıhan Bókeıhan

"Qudaı saqtasyn, Qýandyq kórip qalsa...". Saltanattyń sińlisi ápkesiniń ólimine qatysty tyń derek aıta ma?

08 sáýir 2024 3636

Qýandyq Bıshimbaevtyń isi boıynsha ótip jatqan sottyń kezekti tyńdalymynda Saltanat Núkenovanyń sińlisi Aınur Núkenova jaýap berdi.

Ol Saltanattyń turmysqa shyqqannan keıin múlde ózgergenin, tipti “Qýandyq kórip qalady nege jazdyń?” dep baılanysqa shyǵýdy toqtatqanyn alǵa tartty.

“Biz birge shetelge shyǵatynbyz, tańǵy asty, túski, keshki asty birge ishetinbiz. Al turmysqa shyqqan soń ol múlde joǵalyp ketti. Menen qaryzǵa aqsha suraıtyn boldy. Toıdan keıin burynǵydaı aralaspaıtyn boldy. Oǵan habarlama jazsam, maǵan: “Aınýsha, sen maǵan jaza berme, men ózim baılanysqa shyǵamyn. Áıtpese qudaı saqtasyn Qýandyq kórip qalsa”, dedi. Men sol kezde “qalaı sonda”, dep qatty tańǵaldym. Sonda men ózimniń ápkeme jaza almaımyn ba degen oı keldi”, – dedi ol.

Saltanattyń sińlisi osy jaǵdaıdan soń alańdap qurbysy Aıdaǵa habarlasqan. Oǵan Saltanattyń ınstagramda joǵalǵanyn, jáne jazbasyn aıtqan. Alaıda Aıda Saltanatta bári jaqsy dep jubatqan eken.

“Keıin týysqandar men qonaqqa barǵanymyzda men báriniń kózinshe ápkemniń menimen burynǵydaı aralasa almaı júrgeni unamaıtynyn aıttym. Sol kezde Qýandyq “onyń endi otbasy bar, sen de turmysqa shyqqanda otbasyń boldy ǵoı”, dep kúlip jaýap berdi. Alaıda men renishimdi báriniń kózinshe daýystap aıttym”, – dep qosty Aınur Núkenova. 

 

Aınur Núkenova ápkesiniń ólimi týraly habardy qalaı estigenin de aıtty sotta. 

"Ol kezde dýshta edim. Naqtylaý úshin aıta salaıyn, basym sý bolyp tur. Ulym dýshqa atyp kirip, telefonyma toqtaýsyz qońyraý túsip jatqanyn aıtty.

Baqytjan (Baıjanov) "nege tutqany kótermeı jatyrsyń? Saltanat qaıtys boldy" dedi. Men, árıne, senbedim. Taǵy bireý habarlasyp "Aınur, ımandy bolsyn" dedi. Aıtym (Núkenovanyń aǵasy) habarlasyp "BAU-ǵa kelshi" dedi. Sý basymmen kólikke otyrdym, kúıeýim "Qýandyq Saltany óltirdi" dedi. Men senbedim", - deıdi Saltanattyń sińlisi. 

Bul maqala týraly ne oılaısyz?