Tiri bolsam, qazaqqa qyzmet etpeı qoımaımyn!

Álıhan Bókeıhan

Reseıdiń sý basqan Orski qalasynda tórt adam qaza boldy

08 sáýir 2024 304

Reseıdegi sý basqan Orski qalasynda tórt adam qaza tapty. Alaıda olardyń ólimi sý tasqyny jaǵdaıyna baılanysty emes, dep habarlady alash.kz saıty RIA Novostı-ge silteme jasap.

«Tórt adam qaıtys boldy. Ekeýi júrek talmasynan, bir adam tabıǵı sebepterden qaıtys boldy, taǵy bir adam ózine qol saldy. Sý tasqyny saldarynan bolǵan ólim jaǵdaılary tirkelgen joq», - dep túsindirdi Orsk qalasynyń ákimdigi.

Buǵan deıin oblys bıligi agenttikke Orskide eki qart er adamnyń qaza tapqanyn, olardyń deneleri úılerinen tabylǵanyn resmı túrde habarlady.

Mamandardyń aıtýynsha, zeınetkerlerdiń ólimi sýdan emes.

Juma, 5 sáýirde qalany Jaıyq ózeninen qorǵap turǵan bóget buzyldy. Saldarynan sý basý qaýpi bar birneshe aýyl ornalasqan Eski qaladan adamdardy jappaı evakýasıalaý bastaldy. Sý basqan aýmaqtan kóshirilgenderge arnap, ýaqytsha ornalastyrý ortalyqtary daıyndaldy.

Eldiń Tótenshe jaǵdaılar mınıstrligi Orynbor oblysyndaǵy sý tasqyny jaǵdaıyn qıyn dep baǵalap otyr. Óńirge RF Tótenshe jaǵdaılar mınıstrliginiń basshysy Aleksandr Kýrenkov keldi.

Bul maqala týraly ne oılaısyz?