Qazaqstan óńirlerinde sý tasqyny saldaryn joıý jalǵasyp jatyr, dep habarlady jeksenbide TJM baspasóz qyzmeti. Bul jaıly Alash.KZ ulttyq portaly jazdy.
TJM derekteri boıynsha Aqmola, Qaraǵandy, Aqtóbe, Atyraý, Batys Qazaqstan, Qostanaı, Pavlodar, Soltústik Qazaqstan oblystarynda erigen qar sýyn sorý, ınertti materıaldary bar qapshyqtardy tóseý, sondaı-aq kanaldardyń, aryq júıeleriniń jaǵalaýdy nyǵaıtý jumystary jalǵasýda, adamdardy qaýipsiz jerlerge qulaqtandyrý jáne evakýasıalaý júrgizilip jatyr.
Aqmola, Aqtóbe, Atyraý, Qostanaı, Pavlodar, Soltústik Qazaqstan jáne Batys Qazaqstan oblystarynda 3 702 jeke turǵyn úı, 562 aýla aýmaǵy, 1 822 saıajaı úıi jáne ártúrli maqsattaǵy 73 ǵımarat, sondaı-aq 155 avtojoldy sý basqan.
7,4 mln tekshe metrden astam erigen sý soryldy, 966 myńnan astam qapshyq jáne 976 myń tonna ınertti materıal tóselgen.
Sý basý aımaqtarynan 72 284 adam qutqaryldy jáne evakýasıalandy, onyń ishinde 17 217 bala. Ýaqytsha ornalastyrý pýnktterinde 14 430 adam, 69 myńǵa jýyq aýyl sharýashylyǵy janýarlary qaýipsiz aımaqtarǵa baǵyttaldy.
Avarıalyq-qutqarý jumystaryna 13 620 adam jáne 1 265 birlik tehnıka, 386 sý aıdaý quraly jáne 83 júzý quraly, jeti áýe kemesi jumyldyryldy.
