Saıasattanýshy Dosym Sátbaev sheneýnikterdiń áreketin synǵa aldy. Toqaevtyń Nazarbaevtan keıin "jaqsy patsha jáne tıimsiz qol astyndaǵylar" formýlasyn qoldanýdy jalǵastyryp jatqanyn aıtty. Bul jaıly Alash.KZ portaly habarlady.
Nazarlaryzǵa saıasattanýshy Dosym Sátbaevtyń jazbasyn usynamyz, qadirmendi oqyrman:
- Prezıdent Qasym-Jomart Toqaev Úkimet pen ákimderdi Qazaqstandaǵy sý tasqyny jaǵdaıyna baılanysty tanytqan nemquraıdylyǵy men kásibı qyzmetten qol úzip qalǵany úshin synǵa aldy. Onyń aıtýynsha, Úkimet pen jergilikti atqarýshy organdar arasynda úılesimdi qyzmet isteý úrdisi joq...
Sondaı-aq, N.Nazarbaev ta barlyq 30 jyl boıy udaıy túrde barlyq sátsizdikter úshin mınıstrler men ákimderdi aıyptady. Qyzmetten shettetti. Iaǵnı, óziniń eski ádetinen jańylmaı "jaqsy patsha, dármensiz ákim-qara" erejesin eskerdi. Qosylǵyshtardyń ornyn aýystyrǵan bolyp máseleni sheship jatqandaı syńaı tanytty.
Biraq bul kópjyldyq spektáklden elde eshteńe ózgergen joq, óıtkeni ol qurǵan memlekettik basqarý júıesi eshqashan tıimdi jumys isteýge emes, tek resýrstardy bólýge jáne ishki menklatýralyq áserdi qaıta bólý úshin únemi kúresýge beıimdelgen.
Birinshi prezıdent ózine kórsetiler adaldyqty quzyrettilikten góri joǵary baǵalady. Nátıjesinde, kásibı emesterdiń juldyzy janyp,róli artty. Sheneýnikter qarapaıym adamdarǵa, olardyń taǵdyry men ortaq problemalarǵa nemquraıdylyq tanytatyn boldy.
Biraq ekinshi prezıdent te osyndaı orǵa túsip, osyndaı shoq basty.
Óıtkeni, onyń konstıtýsıalyq referendýmy men 2022 jylǵy merziminen buryn prezıdenttik saılaýy, sondaı-aq 2023 jylǵy naýryzdaǵy parlamenttik saılaý sýper prezıdenttik júıeni saqtap qaldy, munda burynǵy Memlekettik basqarýdyń barlyq nashar tustary aýqymdana berdi.
Shyn máninde, Toqaev "Jańa Qazaqstannyń" nemquraıdylyq, qabiletsizdik, ýaqytsha sındromy, ujymdyq jaýapsyzdyq jáne sybaılas jemqorlyq túrindegi eski jáne shirigen mazmunymen sol júıeni saqtap qaldy. Al ýaqytsha sındrom, óz kezeginde,tabıǵı túrde shaǵyn ǵana josparlaýǵa ákeledi...
Nátıjesinde Qazaqstandaǵy kóptegen problemalardyń sebebi memlekettik apparattyń daǵdarysqa qarsy tıimsiz jumysy bolyp sanalady, óıtkeni sheneýnikter sý tasqyny, qarly boran, JEO apattary, jer silkinisi, órt, áleýmettik jarylystar, elimizdiń ártúrli óńirlerinde sý tapshylyǵynyń kúsheıýi jáne taǵy basqalar sıaqty kez kelgen TJ-ǵa daıyn emes. Munyń bárine adamdar qaıtys bolǵan jaǵdaıda nemese ony jasyrý qıyn bolsa ǵana nazar aýdarylady. Bılik árqashan "órt sóndirýshi" retinde áreket etedi, tek "jarylǵan" máselege jaýap beredi.
Ózine kóbirek ókilettikterdi tartýǵa tyrysý avtomatty túrde jaýapkershilikti bildiredi, bul joǵaryda atalǵan "ýaqytsha sındrom" jaǵdaıynda qazaqstandyq nomenklatýranyń logıkasyna qaıshy keledi, óıtkeni kóptegen sheneýnikter jaýapkershilikti ózderine alǵysy kelmeıdi nemese jamanatty bolýdan qashady.
Munyń bári formaldy túrde óte mańyzdy fýnksıalary men ókilettikteri bar, biraq jaǵdaıdy túzetýge kelgende memlekettik qurylymdardyń qaýqarsyz ekenin ǵana aıǵaqtaıdy.
