Tiri bolsam, qazaqqa qyzmet etpeı qoımaımyn!

Álıhan Bókeıhan

Qyz jan saqtaý bóliminde: Aýyl balalary qyzdy eki jyldan beri qorlap, zorlap kelgen

04 sáýir 2024 345

17 jastaǵy Arýjan esimdi qyzdy eki jyldan beri aýyl jigitteri qorlap kelgen. Bul týraly "Astarly aqıqat" baǵdarlamasy baıandady.

Mektep oqýshysyn pyshaqpen qorqytyp, vıdeoǵa túsirip, uzaq ýaqyt qorlap kelgen. Jelide taraǵan aqparat kóptiń úreıin ushyryp, rezonans týdyrdy. 

17 jastaǵy qyzdyń taǵdyryna arasha bolamyn dep máseleni qozǵaǵan qoǵam belsendisi Aqmaral Basırova bir aýyldy dúr silkindirgen oqıǵaǵa qatysty quzyrly organdar der kezinde qylmystyq is qozǵamaı, al mektep ákimshiligi bárin jyly jabýǵa tyrysqanyn aıtyp otyr. 

“Aryz berdik. Qyz jan saqtaý bóliminde jatyr. Qazir tergeý júrip jatyr. Kúdiktilerdiń bireýi ýaqytsha tergeý ızolátorynda otyr. Sol bala qyzǵa sóz aıtyp, 15 jasta ekenine qaramastan pyshaq taqap, zorlaǵan. Olar eki jyldan beri jynystyq qatynasta bolyp kelgen”, – deıdi qoǵam belsendisi. 

Al anasy “qyzym nashar ortaǵa túsip qaldy, keıingi eki jylda minez-qulqy ózgerip ketti” dep alańdap otyr. Onyń sózinshe Arýjan qatarlas jigitter men ózinen úlken Sanıa esimdi qyzdan qysym kórgen. 

Arýjan qurbysymen sóıleskende anasy emshige aparǵanyn, ol pyshaq taqap qınaǵanyn aıtady. Oǵan qosa qurbysy “taǵy ana báleni izdep ketpeısiń be” dep suraq qoıǵan. 

“Mekteptiń janynda jyn shyǵaratyn emshi, úlken kisi bar. Sol kisige apardyq. Bala sóıleı almaı, jaryq jaqsaq ta qorqyp júrdi. Men mundaı jaǵdaı ekenin bilmegennen keıin apardym deıdi”, – deıdi anasy. 

Al psıhıatr Sanjar Tursynahmettiń sózinshe, munyń bári esirtkiniń saldary. Qarapaıym sıntetıkalyq amfetamınniń belgisi. 

Qyzdy zorlady dep aıyptaǵan Mırastyń anasy “balama jala jaýyp otyr” deıdi. 

“Men áleýmettik jelidegi qaısysynyń aýzyna qaqpaq bolamyn? Úndemeı otyrmyn. Ádilettik ornaıtynyna senemin. Bul jaǵdaıdy áli qoryta almaı jatyrmyn. Sene almaımyn. Bári tanıdy, bireýdiń qyzyn zorlaıtyn bala emes”, – deıdi anasy. 

Al ákesi balasyn aqtaý úshin eki advokat jaldaǵan. “Saraptama nátıjesi Mırastyń qanynda esirtki tabylmaǵanyn kórsetti” deıdi. Onyń sózinshe, Mırastyń esirtki paıdalanbaq túgili, ishimdik pen temekige de áýestigi joq. 

Al qoǵam belsendisi Mırastyń ózi 2022 jyldan, ıaǵnı qyz 15 jasta bolǵan kezinen bastap jynystyq qatysta bolyp júrdik dep kýálik bergenin aıtady. Sonymen qatar balanyń ata-anasy Arýjannyń anasyna 3 mln aqsha usynyp, ekeýin úılendireıik dep usynys aıtqan kórinedi. Oǵan kelispegennen keıin “qyz esirtkige táýeldi, jezókshelikpen aınalysady, anasyn sol aqshamen asyrap otyr” degen ósek taratqan. Barlyq bloger, aýdıtorıasy kóp tanystaryna Arýjan týraly jaman áńgime taratqyzǵan.

Seksologtyń sózinshe, qyzdar anasy qoldaý kórsetpeıtinin bilgendikten, mundaı oqıǵalardy jasyrady. 

 

Bul maqala týraly ne oılaısyz?