Tiri bolsam, qazaqqa qyzmet etpeı qoımaımyn!

Álıhan Bókeıhan

«Qurbandar sany 551 adamǵa jetti». «Krokýs Sıtı Holdaǵy» terakt týraly sońǵy málimetter

29 naýryz 2024 214

 

 

 

Reseı Federasıasynyń densaýlyq saqtaý mınıstri Mıhaıl Mýrashko Krokýs Sıtı Holdaǵy lańkestik shabýyl saldarynan zardap shekkender sany artqanyn málimdedi.

«Krokýs Sıtı Holdaǵy terakt qurbandarynyń sany 551 adamǵa jetti», - dedi mınıstr óziniń Telegram arnasynda.

Olardyń kópshiligine ambýlatorlyq kómek kórsetilgen. 

Eske salaıyq, 22 naýryzda keshki ýaqytta Máskeýdegi «Krokýs sıtı hol» konsert zalynda terakt bolǵan edi. Qarý asynǵan birneshe adam qarapaıym turǵyndarǵa oq jaýdyrǵan.

İle-shala terakt uıymdastyrdy degen kúdikpen birneshe azamat ustaldy. Buǵan deıin Reseıdiń Tergeý komıteti terrorısterdiń boljamdy úsh sybaılasyn tutqyndaýdy suraǵan bolatyn. Olarǵa qatysty is materıaldary Basman sotyna tústi.

Mash arnasy olardyń esimderin jarıa etti.

"Olar - Amınchon, Dılovar jáne Isroıl Islomovtar (ákesi men eki aǵaıyndy). Olar terrorısterge kómek, baılanys, logıstıka uıymdastyrdy degen kúdikke ilindi", - dep jazylǵan arna málimetinde.

Sonymen qatar, bul qatarda Qyrǵyzstan azamaty  Álisher Kasımov ta bar.

"Basmannyı aýdandyq soty RF Qylmystyq kodeksiniń 205-baby 3-bóliginiń "b" tarmaǵynda kózdelgen qylmysty jasady dep aıyptalǵan Qyrǵyz Respýblıkasynyń týmasy Alısher Hatamovıch Kasımovqa qatysty bultartpaý sharasyn tańdady ( Tergeýshiniń A.H. Kasımovqa qatysty bir aı 27 táýlikke, ıaǵnı 2024 jyldyń 22 mamyryna deıin qamaýǵa alý túrindegi bultartpaý sharasyn tańdaý týraly ótinishin sot qanaǵattandyrdy", - delingen habarlamada.

 

Máskeýdegi teraktqa Ýkraınanyń qatysy bar degenge

Pýtınniń aınalasyndaǵylar da senbeıdi

 

Reseı Federasıasynyń basshysy Vladımır Pýtınniń aınalasyndaǵy keıbir adamdar Krokýs sıtı holdaǵy teraktke Ýkraınanyń qatysy joq dep sanaıdy, - dep jazady «Qala men Dala» gazeti Bloomberg-ke siltep.

Bul týraly Kremlmen tikeleı baılanysty tórt adam aıtqan. Olardyń aıtýynsha, Pýtın teraktke Ýkraınanyń qatysy bar dep aıtqanymen buǵan qatysty eshqandaı dálel joq kórinedi. Bul málimdemeni Reseı Qaýipsizdik keńesiniń hatshysy Nıkolaı Patrýshev pen FSB basshysy Aleksandr Bortnıkov ta aıtqan.

Bloomberg suhbat alǵan adamdardyń biri (aty-jónin atamaýdy ótingen) sheneýnikter terakttiń Kıevpen eshqandaı baılanysy joq dep kelisken talqylaýlarǵa Pýtın de qatysqanyn aıtty. Biraq buǵan qaramastan Pýtın teraktti reseılikterdi Ýkraınadaǵy soǵysqa qarsy qoıý úshin paıdalanýǵa bel baılap otyr dep sanaıdy.

Taǵy bireýiniń aıtýynsha, Kreml sheneýnikteri qaýipsizdik qyzmeti konsert zalyna qarýly shabýyldyń aldyn ala almaǵanyna tańǵalǵan. 

Aıta keteıik, 23 naýryzǵa qaraǵan keshte Máskeýdegi "Krokýs Sıtı Hol" konsert zalynda terakt boldy. Qarýlanǵan birneshe adam konsert zalyna basyp kirip, ishinde júrgen adamdarǵa oq jaýdyra bastaǵan. Sol kúni ǵımaratta 6200-ge jýyq adam bolǵan. Sońǵy málimetter boıynsha, 133 adam qaza taýyp, taǵy 140 adam jaralanǵan.

Terakt bolǵan kúni-aq oǵan Ýkraınanyń qatysy bar degen áńgimeler tarady. Bul aqparatqa qatysty Ýkraına málimdeme jasady. 

Ýkraına prezıdenti Vladımır Zelenskııdiń keńse jetekshisiniń keńesshisi Mıhaıl Podolák "Krokýs sıtı holdaǵy" teraktke Ýkraınanyń qatysy joǵyn aıtty. 

"Naqtysyn aıtaıyn. Ýkraınanyń bul jaıttarǵa eshqandaı qatysy joq", - deıdi Podolák. 

Bul týraly "Strana.ua" basylymy jáne "Ýkraına Seıchas" telergam arnasy habarlady.

Bul maqala týraly ne oılaısyz?