Tiri bolsam, qazaqqa qyzmet etpeı qoımaımyn!

Álıhan Bókeıhan

Qasym-Jomart Toqaev qazaqstandyqtardy Oraza aıt merekesimen quttyqtady

10 sáýir 2024 239

Memleket basshysy Qasym-Jomart Toqaev qazaqstandyqtardy Oraza aıt merekesimen quttyqtady, dep habarlaıdy Alash.KZ ulttyq portaly. 

Qadirli otandastar!

Barshańyzdy Oraza aıt meıramymen quttyqtaımyn!

Bul – musylman qaýymynyń erekshe yqylaspen qarsy alatyn ulyq merekesi. 

Qasıetti Ramazan aıynda jurt adamgershilik qundylyqtarǵa basa mán beredi, rýhanı tazarýǵa umtylady. Muqtaj jandarǵa qol ushyn sozyp, aınalasyna qaıyrymdylyq kórsetedi. Otyz kún orazadaǵy sabyr men qanaǵatqa negizdelgen ıgi amaldyń bári Aıt merekesiniń shynaıy bolmysyn aıshyqtaı túsedi.

Ata dinimiz adamzatty tatýlyq pen tynyshtyqqa, qamqorlyq pen meıirimdilikke, janashyrlyq pen jasampazdyqqa úndeıdi. Adal eńbek etip, adal tabys tabýǵa shaqyrady. Munyń barlyǵy, túptep kelgende, búkil elimizdiń yrysty yntymaǵyn arttyrýǵa yqpal etedi.

Halqymyzdyń salt-dástúri Islam dininiń, Ramazan aıynyń jáne Aıt meıramynyń ulaǵatymen ushtasyp jatyr. Bul sabaqtastyq berekeli birligimizdi nyǵaıtyp, ádiletti qoǵam qurý jolynda mańyzdy ról atqarady.

Elimiz aman, jurtymyz tynysh bolsyn! Ár shańyraqqa baq-bereke jáne tolaǵaı tabys tileımin! Aıt qabyl bolsyn, aǵaıyn! - dedi memleket basshysy. 

Bul maqala týraly ne oılaısyz?