Tiri bolsam, qazaqqa qyzmet etpeı qoımaımyn!

Álıhan Bókeıhan

99 paıyzǵa toldy. Qostanaı, Aqmola oblystarynyń sý qoımalary sý jiberip jatyr

08 sáýir 2024 230

 

Qostanaı oblysynyń Qaratomar sý qoımasynan sekýndyna 3250 tekshe metr sý jiberilip jatyr, sý qoımasy 99%-ǵa toldy, tranzıttik rejımde jumys istep jatyr, sý jiberý kólemi ulǵaıýy múmkin. Qostanaı oblysynda sý tasqyny jalǵasýda, dep habarlady Sý resýrstary jáne ırrıgasıa Mınıstrligi.

Soltústik Qazaqstan oblysynda Sergeev sý qoımasynan sekýndyna 3820 tekshe metr sý jiberiledi, Petropavl sý qoımasynan sekýndyna 73 tekshe metr sý jiberiledi, eki sý qoımasy da 100% toly. Oblysta sý tasqyny jalǵasyp jatyr.

Qazir osy oblysqa sý resýrstary jáne ırrıgasıa mınıstri Nurjan Nurjigitov baryp, sý ótkizýdi retteý jumysyn jeke qadaǵalap júrgenin atap ótemin.

Aqmola oblysyndaǵy Astana sý qoımasy tranzıttik rejımge kóshti, qazir sekýndyna 400 tekshe metr sý jiberiledi jáne týra sol kólemde sý kelip jatyr. Aqmola oblysynyń Seletın sý qoımasynan sekýndyna 150 tekshe metr sý jiberiledi. Nysan 99,4%-ǵa toldy.

Batys Qazaqstan oblysynda áli kúnge deıin Shaǵan ózeni deńgeıiniń kóterilýi baıqalady, munda sekýndyna 680 tekshe metr sý jiberilip jatyr, Derkól ózeni boıynsha sý deńgeıi tómendedi. Jaıyq ózeninde sý tasqynynyń ekinshi tolqyny kútiledi.

Sý resýrstary jáne ırrıgasıa mınıstri Nurjan Nurjigitovtiń reseılik áriptesterimen almasyp jatqan derekterine súıensek, búginde Irıklın sý torabynan sekýndyna 1680 tekshe metr sý jiberiledi, eń joǵarǵy belgi 4 sáýirde – sekýndyna 2600 tekshe metr bolǵan.

Sý resýrstary jáne ırrıgasıa mınıstrliginiń qyzmetkerleri Batys Qazaqstan jáne Atyraý oblystary ákimdikteriniń mamandarymen birge Jaıyq ózeniniń arnasyn tazartý jáne sý basýdy azaıtý úshin keptelistiń aldyn alý boıynsha jumys júrgizýde.

Qazirgi ýaqytta Aqtóbe oblysynyń sý qoımasynda jaǵdaı turaqty. Nysan 97% toly, sekýndyna 50 tekshe metr sý jiberilip jatyr. Qarǵaly sý qoımasy tranzıttik rejımde jumys istep jatyr. Sý qabyldaý jáne ótkizý kólemi sekýndyna 350 tekshe metr.

Kelesi aptanyń basynda Shyǵys Qazaqstan oblysynyń sý qoımalarynda sý tasqyny bolady dep kútilýde. Buqtyrma sý qoımasyna kútiletin ortasha aǵyn 1780-2720 mln tekshe metr, Shúlbi sý qoımasyna – 2380-3730 mln tekshe metrdi quraıdy.

Ertis ózeni boıynsha sý aǵyny kútilýde, sondyqtan Abaı, Shyǵys Qazaqstan jáne Pavlodar oblystarynda ákimdikter men Sý resýrstary jáne ırrıgasıa mınıstrliginiń qyzmetkerleri sý ótkizý jáne turǵyndardyń qaýipsizdigin qamtamasyz etý boıynsha qajetti is-sharalardy atqaryp jatyr.

Qaraǵandy oblysynyń sý qoımalarynda sý tasqynynyń sharyqtaý kezeńi ótti, sý qoımalary tranzıttik rejımge kóshti.

Búgingi tańda negizgi kúsh-jiger ózenderdiń aǵynyn retteý jáne tasqyn sýyn ótkizý úshin barlyq gıdrotehnıkalyq qurylystar men sý qoımalarynyń qaýipsiz jumysyn qamtamasyz etýge baǵyttalǵan. Barlyq sý sharýashylyǵy nysandarynda táýlik boıy kezekshilik uıymdastyrylyp, sý sharýashylyǵy jaǵdaıyna saǵat saıyn monıtorıń júrgiziledi, sý qoımalarynan sý jiberý jónindegi derekter ákimdikterge jáne opershtabqa saǵat saıyn beriledi.

Bul maqala týraly ne oılaısyz?