QR Tótenshe jaǵdaılar mınıstrliginiń baspasóz qyzmeti Atyraý oblysy Jylyoı aýdanynyń Qulsary qalasynda qutqarý jumystary jalǵasyp jatqanyn habarlady.
«Qutqarýshylar turǵyndar men olardyń úı janýarlaryn evakýasıalaýǵa kómektesip jatyr. Osy ýaqytqa deıin Jylyoı aýdanynda 28 501 turǵyn, onyń ishinde 6 781 bala evakýasıalandy», – delingen habarlamada.
Buǵan deıin Mańǵystaý oblysy TJD Atyraý oblysy Jylyoı aýdanynyń Qulsary qalasy men eldi mekenderinen Mańǵystaý oblysyna 8738 adam evakýasıalanǵanyn málimdegen bolatyn.
