Túrkıada opozısıalyq Respýblıkalyq Halyq partıasynyń (RHP) saılaýdaǵy jeńisin toılaý kezinde tóraǵa orynbasary Mehmet Palaz qaıtys boldy, dep habarlaıdy RBK.
Túriktiń buqaralyq aqparat quraldaryna silteme jasaǵan basylym jazýyna qaraǵanda, qaza bolǵan Mehmet Palaz Denızlı provınsıasyndaǵy Tavas okrýginde RHP fılıaly tóraǵasynyń orynbasary bolǵan. Partıa múshesi Kadır Tatıktiń Tavas okrýgindegi saılaýdaǵy jeńisinen keıin onyń jaqtastary bul oqıǵany partıa ǵımaratynyń aldyndaǵy kóshede toılaı bastaǵan.
Jurttyń bir bóligi ǵımarattyń ekinshi qabatyna kóterilip, balkondarǵa shyqqanda, eki balkonnyń biri qulap ketken. Segiz adam zardap shekti, olardyń úsheýi aýyr jaraqat aldy. Zardap shekkenderdiń arasynda Mehmet Palaz bolǵan. Ol basynan jaraqat alyp, aýrýhanaǵa jatqyzyldy. 1 sáýirde tańerteń Palaz qaıtys boldy.
