Tiri bolsam, qazaqqa qyzmet etpeı qoımaımyn!

Álıhan Bókeıhan

Pýtın Ýkraınamen kelisimge kelýdiń amalyn jasap jatyr

28 aqpan 2022 95
Reseı Ýkraınamen kelissóz jasaý úshin Belorýssıaǵa arnaıy delegasıasyn jiberdi. Bul jaıly RF prezıdentiniń baspasóz hatshysy Dmıtrıı Peskov habarlady.



Onyń aıtýynsha, Reseı delegasıasy qazir Belorýssıaǵa kelip tústi. Endi Ýkraın elshiligin kútip otyrsa kerek.

Peskovtyń aıtýynsha, delegasıaǵa Syrtqy ister mınıstrligi men Qorǵanys mınıstrliginiń, basqa da vedomstvanyń ókilderi engen. Arasynda prezıdent ákimshiliginiń qyzmetkerleri de bar.

Belorýssıa Syrtqy ister mınıstrliginiń habarlaýynsha, kelissózder Gomel qalasynda ótpek ári Mınsk bıligi "protokolǵa túsetin máseleniń bárin daıyndap qoıǵan"

Kıev bıligi Kremlmen kelissóz júrgizýge kelisken be álde joq pa – ol jaǵy belgisiz.

Aıta keteıik, Ýkraına prezıdent ákimshiligi áskerı operasıanyń alǵashqy kúnderinde kelissózge kelýge daıyn ekenin jetkizgen. Alaıda Kreml ákimshiligi bul málimdemege senýden bas tartty. Keıin Belorýssıada kelissóz júrgizýge daıyn ekeni jaıynda málimdeme taratty. Endi búgin kelissóz júrgizip, áskerı operasıalardy túıindeýge daıyn sıaqty.
Bul maqala týraly ne oılaısyz?