- «Qańtar oqıǵalary bastalǵan sátte biz qyzymyz ekeýmiz emhanada boldyq. Arman habarlasyp, mıtıń bolyp jatqanyn, biraq ázirge tynysh ekendigin aıtty. Biraq úıge barýymdy surady. Úıge kelgen soń, halyqtyń kóptep jınalyp jatqanyn, mıtıńtiń ýshyǵyp baratynyn aıtty. Ol qonaq úıde boldy, bizge «eshqaıda shyqpańdar» dedi. Eger áıeli men qyzy oqıǵalardyń qaq ortasynda bolsa, ol mundaıdy uıymdastyra ma?» - deıdi Aıkól Álikjanova.
Onyń aıtýynsha, Arman halyq pen bıliktiń arasyndaǵy kıkiljińdi sheshýge tyrysyp, eldi sabyrǵa shaqyrý úshin alańǵa shyqqan. Ol Armannyń qıynshylyqqa tap bolǵan adamdarǵa azyq-túlik taratqanyn eske saldy.
- «Kez kelgen qylmystyń motıvi bolýy kerek qoı. Meniń kúıeýim bir mezgilde adamdardy tamaqtandyryp, beıbit turǵyndardy ustap, olarǵa qastandyq jasaýy múmkin be? Bul logıkaǵa syımaıtyn nárse. Meniń kúıeýim únemi óz halqy úshin ýaıymdaıdy. Pandemıa kezinde IVL apparattary men dári dármek taratqanyn uıytpaıyq. Sondaı-aq, ol turaqty túrde 300-400 otbasyǵa aı saıyn kómektesip otyrady. Islamda qaıyrymdy isti jarıa etý kózdelmegen. Biraq áleýmettik jelide oqyrman sany kóp bolǵandyqtan, ózgege úlgi bolý maqsatynda keı isterin kórsetip otyrady», - deıdi Armannyń jubaıy.
