Tiri bolsam, qazaqqa qyzmet etpeı qoımaımyn!

Álıhan Bókeıhan

Soǵystyń besinshi kúni...

28 aqpan 2022 66
Reseıdiń Ýkraınaǵa soǵys ashqanyna besinshi kúni. Reseı áskeri o basta qoıǵan maqsattaryn tolyqqandy oryndaı almady. 



Blıskrıg iske aspady. Kıevti bir kúnde alamyz degen josparlary da tas talqan boldy. Reseı áskeri Harkov, Sýmy, Herson boıynda toqtatyldy. Al Kıev mańyna birneshe márte jibergen desanttyq kúshteri Gostomel boıynda talqandaldy. Reseı Kıevti alý maqsatynda Qadyrov kúshterin de qoldanýda. Naqtylap aıtqanda Qadyrovqa baǵynatyn 10 myń jasaq Ýkraına aýmaǵynda soǵysýda. Sonymen birge "Vagner" jendetteri de Ýkraına jerine kelgeni jaıly aqparattar bar.

Soǵan qaramastan iri qalalardy basyp alý iske aspady. Áskerı shyǵyn 4 myń adamnan asady, júzdegen temir-tersegin qospaǵanda.



Reseıdiń agresıasy úshin álem jazalaýdy bastap ketti. Ekonomıka salasy boıynsha ońdyrmaı sanksıalar salyp jatyr. Eýropa elderi Máskeýdiń birqatar bankterin SWIFT-ten ajyratý týraly sheshim shyǵardy. Buǵan deıin bul sheshimge Germanıa men Vengrıa qarsy bolyp kelgen edi. Endi biraýyzdan qoldady.

Jekelegen tulǵalarǵa da sagksıalar salyna bastady. Pýtın men Shoıgý-den bastap ózge de iri sheneýnikter sanksıa astynda qaldy. Eýropadaǵy reseılik olıgarhtardyń múlikteri men aktıvteri, qarjylary buǵattaldy. Reseı bankterine salynǵan sanksıalar qarjylyq sektorynyń jartysyna teń aktıvti buǵattady.

Eýropa elderi agresor úshin áýe keńistigin tolyq japty. Reseıge sońǵy úlgidegi kólikter men joǵary tehnologıany jetkizbeý máselesi qaralýda. Eýropa elderi óz porttaryn Reseı úshin jaýyp tastamaq. Sanksıaǵa tek qana Eýropa men AQSH emes, sonymen birge Kanada, Ońtústik Koreıa, Japonıa da qosyldy.

Álemniń órkenıetti elderi Reseıdi oqshaýlaýdy tolyq qoldap otyr. Reseıdiń ózinde Pýtınge qarsy narazylyq aksıalary ótýde. Al sporttyq uıymdar men án baıqaýlary reseılik ónerpazdardy jarystardan alyp tastaýda nemese Reseı týy men gımnin qoldanýǵa tyıym saldy.

Ýkraına birneshe reseılik shabýyldy sátti toıtarǵanyn málimdep, Eýropa elderinen qarý berýdi surady. NATO Kıevke túrli qarý jetkizýdi maquldady, sonyń ishinde alǵash reti ushaqtar men áýe qorǵanys júıeleri de berilýi múmkin. Sonymen qatar Ýkraına bıligi sheteldik eriktiler Ýkraına úshin soǵysam dese, arnaıy legıondardyń qurylýyna ruqsat etti. Kıev ár áskerı úshin aıyna 100 myń grıvna tólemek. "Soǵysty tolyq jeńispen aıaqtaǵansha bul tólem toqtatylmaıdy" deıdi Zelenskıı.

Kútpegen jańalyq soǵystyń tórtinshi kúni Belarýs tarapynyń uıymdastyrýy boıynsha Reseı men Ýkraına arasynda kelissózder ótetini aıtyldy. Kelissóz Belarýs jerinde ótpek, alaıda ýkraınalyq delegasıa qaýipsizdigin qamtamasyz etý úshin Polsha arqyly barýdy uıǵarǵan. Sondyqtan keshe ótýge tıis kelissózder búginge qaldyryldy.
Bul maqala týraly ne oılaısyz?