Tiri bolsam, qazaqqa qyzmet etpeı qoımaımyn!

Álıhan Bókeıhan

Kıev mańynda Ýkraına áskeri Qadyrov polkin tas-talqan etti

28 aqpan 2022 95
Ýkraına Qarýly kúshteri Kıev oblysyndaǵy Gostomel mańyndaǵy «qadyrovtyq» polkti artılerıamen shabýyldady.


 

Bul týraly ýkraınalyq «24 kanal» telearnasy habarlady.

Qadyrov gvardıasynyń 141-shi motoatqyshtar polkiniń bastyǵy Magomed Týshaevtyń kózi joıyldy. Gostomel mańynda (Kıev oblysy) «qadyrovtyqtarmen» shaıqas kezinde Ýkraına qarýly kúshteri sheshen áskerılerine aýyr soqqy jasady.

Joǵarǵy Radanyń halyq depýtaty Alekseı Goncharenko «Facebook» áleýmettik jelidegi paraqshasynda Ýkraına armıasynyń Gostomeldegi bólimsheleri «qadyrovtyqtar» tutqynyn tize búktirgen kúıinde alǵanyn atap ótti.

Derekkózder qaqtyǵys kezinde Ýkraına áskeri bólimsheleri Sheshenstan Ulttyq gvardıasynyń 141-shi motoatqyshtar polkiniń bastyǵy sheshen generaly Magomed Týshaevty joıǵanyn habarlady. Bul Qadyrovtyń elıtalyq bólimsheleriniń biri.

«Qadyrovshylar» polkiniń talqandalýy jáne Magomed Týshaevtyń qaıtys bolǵany týraly aqparatty óziniń Telegram-arnasynda Kıevti qorǵaýǵa qatysatyn ýkraın ultshyldarynyń jetekshisi Evgenıı Karas rastady.

Kelip túsken aqparatqa sáıkes, Ýkraına Qarýly kúshteriniń artılerıasy sheshen polkin joıdy. Qaza tapqan sheshen jaldamalylarynyń máıitteri Gostomel mańynan tabyldy.
Bul maqala týraly ne oılaısyz?