Tiri bolsam, qazaqqa qyzmet etpeı qoımaımyn!

Álıhan Bókeıhan

Roskomnadzordyń hatynan keıin Reseıde "Nastoıashee Vremá" saıty buǵattaldy

28 aqpan 2022 62
[ad_1]



28 aqpanda Reseıde "Nastoıashee Vremá" saıty buǵattaldy. Odan bir kún buryn Roskomnadzor telearna saıty shekteletini jóninde habar bergen.

Vedomstvo hatynda "saıtqa zańǵa qaıshy aqparattar salynyp, taratylǵan" dep kórsetilgen. "Reseı qarýly kúshteriniń arnaýly áskerı operasıasy barysynda Reseı áskerı qyzmetkerleriniń Ýkraınada ólgeni, tutqynǵa túskeni týraly rastalmaǵan aqparat taratylǵan. Mundaı aqparattar men Reseı Federasıasy azamattarynyń jeke málimetterin taratý - qoǵamdyq tártip pen qaýipsizdikke qater tóndiredi" deıdi hat.

Roskomnadzordyń jazýynsha, eger telearna "zańǵa qaıshy aqparatty alyp tastaıtyn bolsa, onda bul jóninde aqparattyq tehnologıa jónindegi Federaldy qyzmetke habarlaýǵa tıisti".

"Nastoıashee Vremá" Roskomnadzor hatynda kórsetilgen aqparattardy alyp tastamaıtynyn málimdedi.

Roskomnadzor "Novaıa gazeta", "Medıazona", "Dojd" sekildi Reseıdiń ózge de aqparat quraldarynan Ýkraınadaǵy jaǵdaıdy soǵys dep kórsetken matereıaldardy joıýdy talap ketken.

24 aqpanda Roskomnadzor Reseı BAQ-taryna "tek qana resmı aqparat" taratýdy mindettep, talap oryndalmasa jabylatynyn eskertken.

25 aqpanda Roskomnadzor bılikshil "RIA Novostı", "Lenta.rý", "Gazeta. rý" jáne "Zvezda" telearnasynyń akkaýntyn shektegeni úshin Facebook jyldamdyǵyn baıaýlatyp, ishinara kedergi jasaǵan.

26 aqpanda Roskomnadzor jýrnalıserge Ýkraınadaǵy jaǵdaıdy Reseı shabýyly, soǵys dep ataýǵa tyıym salǵan.



[ad_2]

Derekkóz
Bul maqala týraly ne oılaısyz?