Qaraǵandy oblysynda telekomýnıkasıa qyzmetin kórsetetin Qazaqstannyń "Remstroıservıs" kompanıasy búginnen bastap Reseıdiń Ýkraınaǵa shabýylyna qarsylyq belgisi retinde Reseı telearnalarynyń jańalyqtary men aqparattaryn taratýdan bas tartyp, tek fılmderin qaldyrdy.
Shahtınsk qalasy men onyń tóńiregindegi kentterge joǵary jyldamdyqtaǵy ınternet taratatyn "Remstroıservıs" kompanıasynyń telegram-arnasy "Soǵysqa jáne soǵysty nasıhattaýǵa qarsymyz. Sondyqtan Reseıdiń "federaldy" arnalarynyń ornyna "Habar24" arnasyn taratýdy uıǵardyq, túsinistikpen qaraýdy suraımyz" degen habar taratty.
"Remstroıservıs" kompanıasynyń ókili Azattyq tilshisine:
- Reseıdiń jańalyqtar men aqparattar arnalaryn ýaqytsha óshirdik. 15-20 arna ornyna "Habar" taraıdy. Kompanıamyzdyń saıasaty osylaı,- dedi.
Kompanıa ókili Reseı telearnalaryn qashan qaıta taratynyn aıta almady.
Bıyl qańtardyń 24-ine Reseı Ýkraınaǵa áskerý shabýyl bastap, ony "arnaýly operasıa" dep ataǵan edi. Qazir Ýkraına aýmaǵynda urys qımyldary júrip jatyr.
