Tiri bolsam, qazaqqa qyzmet etpeı qoımaımyn!

Álıhan Bókeıhan

Oral men Atyraýǵa "mezgilsiz kelýi múmkin" tasqyn sýdy onlaın rejımde baqylaýǵa bolady

17 sáýir 2024 491

Kez kelgen adam, qala turǵyny qyzyl sý kelip qalýy múmkin degen Oral men Atyraýda ne bolyp jatqanyn onlaın rejımde kóre alady. Bul týraly sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın áleýmettik jelidegi paraqshasynda jazdy, dep habarlaıdy Alash.KZ ulttyq portaly. 

"Kez kelgen azamat myna silteme boıynsha ótip, sý basqan aýmaqtardaǵy jaǵdaıdy onlaın túrde kóre alady. Onlaın túrde Oral jáne Atyraý qalalaryndaǵy sý tasqynyna daıyndyq boıynsha júrgizilip jatqan jumystardy jáne jergilikti jerdegi jaǵdaıdy tekserý boıynsha jumystardy da kórý múmkindigi bar", - delingen jazbada.  

Conymen qatar, Mýsın óziniń paraqshasynda beınebaqylaý kameralardy onlaın rejımge shyǵarý jónindegi usynysynyń qoldaý tapqanyn aıtty: 

Biz onlaın rejımde ákimdikterdiń qandaı is-áreketter jasap jatqanyn qalaı baqylaýǵa bolatynyn kórsettik, bul múmkindikti barlyǵy kóre alatyndaı jáne tótenshe jaǵdaı kezinde bolyp jatqan oqıǵalar týraly túsinikke ıe bolatyndaı etip onlaın rejımde shyǵarýdy usyndyq. Premer-mınıstr Oral jáne Atyraý qalalaryndaǵy sý tasqynyna qarsy júrip jatqan is-sharalardyń barysy týraly beınebaqylaý kameralardy onlaın rejımge shyǵarý jónindegi usynysymyzdy qoldady.
Qurmetti oqyrmandar, sizder de sýdyń aǵysyn osy silteme arqyly baqylaı alasyzdar: 
 
Bul maqala týraly ne oılaısyz?