Tiri bolsam, qazaqqa qyzmet etpeı qoımaımyn!

Álıhan Bókeıhan

"Aı saıyn mıllıon teńge". Aqmola oblysynda memlekettik qyzmetkerlerge negizsiz syıaqy berilgen

15 sáýir 2024 308

Aqmola oblysynda memlekettik mekemeniń biriniń qyzmetkerlerine negizsiz syıaqy tóleý faktileri anyqtaldy. Bul týraly oblystyq prokýratýra málimdedi.

Qadaǵalaýshy organnyń resmı saıtynda jarıalanǵan aqparat boıynsha, Stepnogorsk qalasynyń prokýratýrasy qadaǵalaý qyzmeti barysynda memlekettik organnyń qyzmetkerlerine negizsiz syıaqy tóleý faktilerin anyqtady.

"Memlekettik mekeme eki jyl ishinde zańnamada belgilengen shyǵystardyń túrleri boıynsha únemdeý bolmaǵan kezde qyzmetkerlerge 13,4 mln teńge somasyna negizsiz syılyqaqy bergeni anyqtaldy. Mysaly, tek úsh aıdyń ishinde mekeme 6,6 mln teńge somasyna 6 qyzmetkerge negizsiz syıaqy berdi. Ár qyzmetkerdiń syıaqysynyń mólsheri 1 mln teńgeden asty", - delingen prokýratýra habarlamasynda.

Osy faktiler boıynsha qala prokýratýrasy memlekettik mekemeniń atyna qadaǵalaý aktisin engizdi. Oblystyq prokýratýra ókilderi qazirgi ýaqytta memlekettik búdjetke aqsha qarajatyn qaıtarý boıynsha jumys júrgizilip jatqanyn málńmdedi.

Bul maqala týraly ne oılaısyz?