Tiri bolsam, qazaqqa qyzmet etpeı qoımaımyn!

Álıhan Bókeıhan

Kisi óltirgen adam balabaqshada, psıhıkalyq aýrýlary bar adam mektepte jumys jasaǵan

15 sáýir 2024 429

Pavlodar oblysynda balabaqshalar men mektepterde aýyr qylmys jasap sottalǵandardyń jumys istegeni anyqtaldy, dep habarlady oblystyq prokýratýra.

Jelezın aýdanynda prokýrorlar aýyr qylmys jasaǵan, sondaı-aq psıhıkalyq aýrýlary bar adamdardyń bilim berý uıymdarynda jumys istegenin anyqtady.

Mysaly, aýdandaǵy balabaqshalardyń birinde adam óltirgeni úshin sottalǵan adam shamamen 5 jyl jumys istegen.

Birneshe bilim berý mekemesinde uryp-soqqany jáne soqqyǵa jyqqany úshin jaýapqa tartylǵan jumysshylar anyqtaldy.  Mundaıǵa eńbek zańnamasynda tikeleı tyıym salynǵan.

Jelezın aýdanynyń prokýratýrasy qabyldaǵan sharalardyń nátıjesinde joǵaryda atalǵan adamdar jumystan shyǵaryldy, al olardyń basshylary tártiptik jazaǵa tartyldy, - dep jazylǵan habarlamada.

Osylaısha, jalpy 500-den astam balanyń quqyǵy qorǵaldy.

Bul maqala týraly ne oılaısyz?