Soltústik Qazaqstan oblysynda azamattar shuǵyl túrde kóshirilip jatyr. Bul týraly Tótenshe jaǵdaılar mınıstrligi habarlady.
Sý tasqyny bastalǵannan beri oblysta 10 345 adam, onyń ishinde 2 328 bala aldyn ala qutqarylyp, evakýasıalandy.
Óńir turǵyndary Qostanaı oblysyna kóshirilip jatyr. Osy maqsatta jedel-qutqarý jasaǵy táýlik boıy Soltústik Qazaqstan oblysynan halyqty evakýasıalaý jumystarymen aınalysýda.
Sonymen qatar, Petropavl qalasynda Esil ózeninde muz jarý jumystary júrgizildi. Sý tasqyny saldaryn joıý boıynsha jumystar kúsheıtildi. Avarıalyq-qutqarý jumystary, erigen qar sýyn sorý, qapshyqtar men ınertti materıaldardy tóseý, jaǵalaýdy nyǵaıtý jumystary, aryq júıelerin tazalaý jumystary júrgizilýde.
Qazir óńirde sýdyń úılerdi basý qaýpi bar.
