Zardap shekken bıznesmen eki ret kredıt alyp, bopsalaýshylarǵa bergen.
Elorda polıseıleri arnaıy operasıa kezinde úsh er adamdy ustady. Olar jergilikti kásipkerden shamamen 3 mıllıon teńge bopsalaǵany úshin aıyptalyp otyr.
Polısıaǵa aryzdanǵan bıznesmen birneshe aı boıy úsh er adamnyń iri kólemde aqsha bopsalaǵanyn aıtqan. Polıseıler arnaıy operasıa kezinde 40, 47 jáne 26 jastaǵy úsh er adamdy ustady. Ekeýi 300 myń teńgeni alyp jatqan jerinde ustalsa, eń jas bopsalaýshy Oral qalasynda qolǵa tústi, dep habarlady polisia.kz saıty.
Kásipker ustalǵandardyń birimen ótken jyly qyrkúıek aıynda tanysqan. Sol ýaqyttan beri er adamdar jábirlenýshiden júıeli túrde aqsha bopsalaǵan. Polısıa qaskúnemder kúsh kórsetkenin atap ótti.
Jas jigit bopsalaýshylardan qutylý úshin esepshotynda jatqan barlyq aqshasyn, shamamen 1 mıllıon teńge bergen. Odan keıin taǵy eki ret kredıt alyp, iri somany bopsalaýshylardyń qolyna ustatqan. Jalpy, zardap shekken bıznesmen shamamen 3 mıllıon teńgesinen aıyrylǵan.
Qazirgi kezde Qylmystyq kodekstiń 194-baby (Qorqytyp alý) boıynsha sotqa deıingi tergeý bastady. Bul bapta 7 jyldan 15 jylǵa deıin bas bostandyǵynan aıyrý jazasy qarastyrylǵan.
https://youtu.be/eZD51lQuM5E
