"Tálipter ólkeni terrorısterden tazalaý úshin óte kóp is istep jatyr. Budan bólek olar aımaqtyq jáne halyqaralyq ekonomıkalyq qaýymdastyqtarmen ıntegrasıa bolǵanyn qalaıdy. Biz olardyń mundaı áreketin qoldap, sonymen birge zorlyq-zombylyqty toqtatý, terorızmdi joıý, dostyq kórshi kelisimderdi qurý jáne aýǵan eliniń jaǵdaıyn jaqsartý sekildi sharttarmen talap etýimiz kerek",- dedi Kamılov.
Onyń sózinshe, Aýǵanstanǵa kómek bergen Ózbekstannyń jalǵyz maqsaty — bul ólkede gýmanıtarlyq apatty boldyrmaý. Mınıstr ózbek taraptyń bastamasymen Aýǵanstanǵa gýmanıtarlyq kómek jetkizýdi uıymdastyrý úshin Termezde kóp fýnksıaly halyqaralyq kólik hab qurylǵanyn taǵy bir atap ótti.
"Qazir bul ólkedegi ýaqytsha úkimetti taný jáne tanymaý jóninde kóptegen pikirler bar. Biz tálip úkimetin taný máselesi olardyń áreketine qaraı sheshilýi kerek dep esepteımiz. Atap aıtsaq, ýaqytsha úkimet óz ýádelerin atqarýy tıis, buǵan sonymen birge halyqaralyq qaýymdastyq qoıyp otyrǵan talapty da oryndaý kiredi",- dedi Kamılov.
Tálipter Aýǵanstanda bılikti 2021 jyldyń tamyz aıynda basyp alǵan. Ázirge olardy álemniń birde-bir eli moıyndamady.
