Tiri bolsam, qazaqqa qyzmet etpeı qoımaımyn!

Álıhan Bókeıhan

Nazarbaevtyń qyzy men kúıeý balasy Germanıada quny 100 mıllıon eýro turatyn múlikke ıelik etedi

11 aqpan 2022 80
Qazaqstannyń eks-prezıdenti Nursultan Nazarbaevtyń ortanshy qyzy Dınara Nazarbaeva men onyń kúıeýi Tımýr Qulybaevqa baılanysy bar kompanıalar Germanıanyń Zeelo qalasynda 100 mıllıon eýroǵa baǵalanǵan vıllaǵa, hansaraıǵa jáne eki meımanhanaǵa ıelik etedi. Bul týraly Azattyq jazdy.

Osylaı dep Deutsche Welle (DW) basylymy habarlady.

Málimetke qaraǵanda, 19 ǵasyrda Zeelodaǵy hansaraı belgili orys dıplomaty, qupıa keńesshi Mıhaıl Hreptovıchtiń jazǵy rezıdensıasy bolǵan. Onyń qazaqstandyq jańa qojaıyndary on jyl boıy qaıta jóndeý jumystaryn júrgizip, qurylysty eki jyl buryn ǵana aıaqtaǵan.

Onda fontandar ornatylǵan landshaftty saıabaq jáne 1 myń sharshy metr jerdi alyp jatqan spa alańy bar. 25 metrlik baseın ústindegi tereze kosmostan túsirilgen sýretterden de kórinip tur.

Bul múliktiń baǵasy 60 mıllıon eýro. Jýrnalıser Germanıadaǵy kompanıalardyń reestrine silteme jasap, obektide rekonstrýksıa jumysyn júrgizgen jyldary Schloss Seelach Invest kompanıasynyń jarǵylyq kapıtaly da dál osyndaı somaǵa kóbeıgenin bildiredi.

Úıdi qaıta jóndeý jumysyna qatysqan adamdardyń biriniń aıtýynsha, úı ıeleri bul úshin "aqsha aıaǵan emes". Jumysshylar árbir atqarǵan jumystaryn sýretke túsirip, Qazaqstanǵa jiberip otyrǵan.

Budan bólek Nazarbaevtardyń otbasyna vılla men eki meıramhana tıesili. Hansaraıǵa ıelik etetin Schloss Seelach Invest GmbH kompanıasy Verus Praedium International qazaq kompanıasyna tıesili. Óz kezeginde oǵan "Almatydaǵy "Kıpros" kompanıasy ıelik etedi. Ashyq reestrdegi tizimge sáıkes, Tımýr Qulybaev Schloss Seelach Invest GmbH kompanıasynyń benefısıary bolyp sanalady.

Ol reestrge sáıkes, Tımýr jáne Dınara Qulybaevalar Qazaqstandaǵy Mercury Properties kompanıasy arqyly Germanıadaǵy Bühlerhöhe Castle Invest GmbH kompanıasyna ıelik etedi. Bul kompanıaǵa Germanıadaǵy eki meımanhana tıesili.
Bul maqala týraly ne oılaısyz?