Tiri bolsam, qazaqqa qyzmet etpeı qoımaımyn!

Álıhan Bókeıhan

Jaıyqtyń sýy 8 metrge deıin kóterildi

19 sáýir 2024 421

Jaıyq ózenindegi sý deńgeıi Oral qalasy tusynda bir táýlikte 13 santımetrge kóterildi.

«Qazgıdromet» RMK BQO fılıalynyń 19 sáýir kúni saǵat 08.00-degi málimeti boıynsha Oralda Jaıyq deńgeıi 794 santımetrge jetti, ıaǵnı 8 metrge (qaýipti shegi 850 sm) jýyqtady.

Ózen deńgeıi Báıterek aýdany Ianvarsev gıdrobeketinde birden 28 santımetrge joǵarylap, 884 santımetrdi (mundaǵy qaýipti shegi 1 250 sm) kórsetti.

Jaıyq ózeni sondaı-aq Kóshim (+2, 788 sm) men Taıpaq aýyly (+9, 495 sm) tusynda da kóterilýde.

Sonymen qatar, Kóshim kanalynda sý deńgeıi 823 santımetrge jetti (+2, qaýipti shegi — 800).

Oral qalasy men Jaıyq ózeni boıynda ornalasqan 84 eldi mekenge tóngen qaýip áli seıilgen joq.

 

Bul maqala týraly ne oılaısyz?