Tiri bolsam, qazaqqa qyzmet etpeı qoımaımyn!

Álıhan Bókeıhan

"Ákem sheksiz súıgendikdikten óltirdi". Bıshimbaevtyń burynǵy áıeli balalaryna deıin ólimdi sóz etetinin aıtty

17 sáýir 2024 879

Nazym Kaharman burynǵy mınıstr Bıshimbaevtyń ata-anasymen qarym-qatynasy týraly, aradaǵy baılanystyń nege úzilgeni jaıly jalpaq jurtqa baıandady, dep habarlaıdy Alash.KZ ulttyq portaly. 

Sot otyrystarynyń birinde kisi óltirdi dep aıyptalǵan Qýandyq Bıshimbaev óziniń burynǵy jubaıy ata-anasyn bopsalap, nemerelerimen aralaspaıtynyn málimdegen edi. Nazym Kaharman áleýmettik jelilerde mundaı aıyptaýlarǵa qatystyjaýap berdi. 

Nazym Kaharmannyń aıtýynsha, onyń balalary buǵan deıin de kishkeneden túrli qıyndyqtardy kórgen. Erli-zaıyptylar til tabysa almaǵan, 2017 jyly Qýandyq Bıshimbaevty sybaılas jemqorlyq úshin isti bolǵan.

"Biz bardyq, ony qoldadyq, sodan keıin ajyrasý, úılený toıy, jańa áıelimen janjal. Sodan keıin kisi óltirý. Balalar Qudaıǵa shúkir psıhologtyń kómegine júgindi. Týystarym men dostarym olardyń boıynda óte jaqsy moraldyq qundylyqtardy qalyptastyrdy", - dep jazdy Bıshimbaevtyń burynǵy áıeli.

Ol burynǵy jubaıynyń qazir sotta aıtyp jatqanynyń bárin balalarymen birge 10-11 qarashadaǵy saraptamalar men qorytyndylarǵa deıin estigenin aıtty.

"Meniń qyzyma deıin ákem súıgendikten óltirdi dep aıtady. Osyndaı qorqynyshty áńgimelerdi balalarǵa deıin sóz etedi. Jalpy, munyń bári maǵan jáne balalaryma alystaý úshin sebep boldy. Men, ana retinde, árıne, olarmen aralasýǵa qarsymyn. Sondyqtan aradaǵy qarym-qatynasty toqtatý  týraly sheshim qabyldadym", - dep túsindirdi ol.

Onyń aıtýynsha, balalar anasynyń sheshimin qoldaǵan.

Bul maqala týraly ne oılaısyz?