Tiri bolsam, qazaqqa qyzmet etpeı qoımaımyn!

Álıhan Bókeıhan

Sý tasqynynda "Hantory" atty sáıgúligin qutqarmaq bolǵan bala men áke oljaly boldy

13 sáýir 2024 450

«Áke, Hantoryny qutqar!»,- degen qazaqy kóńilimen kópke tanylǵan bala batyr oljaly boldy. Báıge atyna kishkeneden kóńili qulaǵan balaǵa kásipkerler at mingizdi, dep habarlaıdy Alash.KZ ulttyq portaly. 

Sý tasqyny eldi sergeldeńge salǵanda báıke aty úshin báıek bolǵan bala batyr erekshe qýandy. Áleýmettik jelide kishkentaı búldirshinniń ákesine jylqysy «Hantoryny qutqar!» dep jalynǵany elenip, oljaly boldy.

Beınejazbada balanyń atasy kózine jas alyp, báıgede shabatyn at ekenin, nemeresine tıesili ekenin aıtady. Kásipkerler osy vıdeodan keıin ákesi men balasyn arnaıy shaqyrtyp, buldirshinge tosyn syı jasady.

Bul ıgi iske «Bárekeldi!», «Naǵyz azamat», «Shúkir, osyndaı azamattardyń baryna», «Qazaqqa jany ashıtyn qazaq qana», «Bolatyn balanyń betin qaqpa, belin bý degen osyndaıdan shyqqan shyǵar» degen oqyrmandar da ózderiniń jyly lebizin bildirip jatyr.

Esterińizde bolsa, Aqtóbe oblysy Oıyl aýdany Ekpetal aýylynda bolǵan jaǵdaı. 29 naýryz tańǵy saǵat tórtte aýyldy sý basqan. Aýyldyń úsh jasar turǵyny Beıbarystyń "Hantory" esimdi tulpary sýǵa ketken. 

"5-6 atym bar edi. Sony jıenim ekeýmiz shyǵaryp úlgeremiz dep jantalastyq. Jıenim Hantoryǵa mindi. Men Qulager atyma mindim. Turǵan jerimiz ormannyń arasynda. Aınala qorshaǵan bóget, oǵan kelgen sý ońaılyqpen shyqpaıdy. Bıiktigi 2,5 metrdeı sý keldi, birden tolyp qaldy. Attardy tóbege jetekteımiz dep edik, biraq sýǵa ketti", - deıdi Hantorynyń ıesi Jalǵas Tóleýishov.

Bul maqala týraly ne oılaısyz?