https://youtu.be/6bAfRmh1d_c?si=B0ZI2UGoIWc_A75K
Burynǵy memlekettik qyzmetker, Aýyl sharýashylyǵy mınıstrligi sý resýrstary komıtetiniń eks-tóraǵasy Islam Ábishev «Qasqa Jol» ıýtýb-arnasynda qonaqta boldy. Para aldy degen aıyppen bes jylǵa sottalyp, merziminen buryn bosatylǵan eks-sheneýnik bul oqıǵanyń qalaı oryn alǵanyn, kim qoldaý kórsetkenin aıtty, dep habarlaıdy Skifnews.kz aqparat portaly.
Onyń aıtýynsha, sottalýǵa qatysty alǵash ret úlken suhbat berip, mán-jaıdy tolyq baıandap otyr. İsti bolǵan burynǵy sheneýnikti 300 myńnan astam adam qoldaǵan.
Maǵan senim bildirip, meni qoldaǵan azamattardyń barlyǵyna úlken rızashylyǵymdy bildiremin. Halyqtyń óte úlken kúsh ekendigin sezindim. Ózimniń bostan-bosqa kúrespegenime qýanamyn. Qoldaǵan adamdardyń barlyǵyna, qol qoımasa da, tilektes bolǵan adamdarǵa shyn júregimmen rızashylyǵymdy bildiremin, - dedi ol.
Qol qoıǵan 300 myńnan astam adam aty-jónin jazyp, jumys oryndaryn, telefon nómirin, tipti qujattarynyń nómirine deıin jazyp qoldaǵan.
Bireýdi aldap qol qoıdyra almaısyń. Aldap, 100-1000 adamǵa qoıdyrasyń, jalynyp taǵy myń adamǵa qol qoıdyrasyń – 300 myńǵa jýyq adamǵa qol qoıdyrý ol kez-kelgen sheneýnik úshin, azamat úshin úlken baqyt!, - dedi Islam Ábishev.