Dinmuhamed Qonaev jáne Nursultan Nazarbaevtyń da jeke kúzetiniń bastyǵy bolǵan, bir kezderi Ulttyq qaýipsizdik komıtetin basqarǵan Amangeldi Shabdarbaev qos lıderdiń jubaılary týraly TALK LIKE YouTube-arnasyna bergen suhbatynda aıtty.
«Nursultan Nazarbaevtyń birinshi jary Sara Alpysqyzy tike aıtatyn. Basqa áıelderi paıda bolǵan kezde ekeýiniń arasy qatty sýyp ketti. Sara Alpysqyzy – qarapaıym adam. Dımash Ahmetulynyń (Qonaev – red) áıeli óte bilimdi bolǵan. Ol Qudaıǵa senetin, kishkentaı Qurany bar edi. Ómiri daýysyn kóterip sóılegenin baıqamadym, erkeleıtin. Dımash Ahmetuly ony erkeletetin, ekeýiniń arasynda bala bolmady ǵoı. Al Sara Alpysqyzy Nursultan Ábishulynyń saıası sheshimderine aralaspady. Nazarbaev ta onymen sanaspaıtyn. Ol kisi tiri. Ne qudalarmen de, basqalarymen de baılanysy joq», – deıdi Amangeldi Shabdarbaev.
Otstavkadaǵy general Sara Nazarbaevanyń qazir aralasatyn jaqyn tanystary da joq dep otyr.
«Ózi sondaı adam. Ózimen-ózi. Unamasa aıtady. Sara Alpysqyzy meni keıin jek kórip ketti. Men Rahat Álıevke tıistim ǵoı. Darıǵa ekeýi meni Sara Alpysqyzyna qarsy qoıdy», – dedi ol.
