Tiri bolsam, qazaqqa qyzmet etpeı qoımaımyn!

Álıhan Bókeıhan

Abylaı Myrzahmetov Boranbaevty qutqarmaq bolǵan ba?

16 qańtar 2024 43
Eski Qazaqstanǵa qatysty el estimegen aqparat shyǵady áli. «Atameken» ulttyq kásipkerler palatasynyń burynǵy basqarma tóraǵasy Abylaı Myrzahmetovke qatysty aldyn ala tyńdaý bastaldy.

Sot otyrysynda prokýror Baýyrjan Shekenov Abylaı Myrzahmetov Talǵat Boranbaevtan Qaırat Boranbaevty bosatyp, sotqa deıingi tergeýdi toqtatý úshin 30 mıllıon dollar suraǵanyn aıtty. Óıtkeni 2022 jyly naýryzda Qaırat Boranbaev ustalǵan kezde onyń isin inisi Talǵat Boranbaev basqarǵan.

Osy jaǵdaıdy paıdalanyp, ol Talǵat Boranbaevqa memlekettik jáne quqyq qorǵaý organdarynyń joǵary laýazymdy tulǵalar arqyly aǵasy Qaırat Boranbaevty qamaýdan bosatý jáne oǵan qatysty sotqa deıingi is júrgizýdi toqtatý týraly máseleni sheshý úshin para berýdi usynǵan.

«15 mıllıon dollar – máseleni sheshkenge deıin, qalǵan 15 mıllıon dollar – sheshilgennen keıin. Boranbaev tereń oıǵa ketti. Ol 15 mıllıon dollardy berdi. Keıin Myrzahmetov taǵy 5 mıllıon dollar talap etti», – deıdi Baýyrjan Shekenov.

Prokýrordyń aıtýynsha, keıinirek Talǵat Boranbaev taǵy 3 mıllıon dollar aýdarǵan. Qalǵan somany Sergeı degen beıtanystyń esepshotyna aýdarý kerek bolǵan.

«2022 jyldyń 11 mamyrynda taraptar arasynda jalpy somasy 6,6 mıllıard teńgeni quraıtyn qaryz sharty jasalǵan. Keıinnen Boranbaev para retinde kelisilgen 15 mıllıon dollardy, bul 6,6 mıllıard teńgeni jaýapty memlekettik qyzmetterdi atqaratyn adamdarǵa aýdarǵan», – dedi memlekettik aıyptaýshy.

Eske sala keteıik, 2023 jylǵy 10 mamyrda «Atameken» ulttyq kásipkerler palatasy basqarmasynyń eks-tóraǵasy Abylaı Myrzahmetov ustalǵan edi.
Bul maqala týraly ne oılaısyz?