Germanıa qorǵanys mınıstrligi NATO-nyń jedel áreket etý kúshteri quramyndaǵy áskerin joǵary áskerı daıyndyq rejımine kóshiretinin málimdedi. Bul armıaǵa Reseımen qarym-qatynas ýshyqqan jaǵdaıda jedel jınaqtalýǵa múmkindik beredi.
Berlın atalǵan sheshimi jóninde 18 aqpanda habarlady. Mınıstrliktiń aıtýynsha, NATO basshylary men odaqtastarymen keńeskennen keıin osyndaı sheshim qabyldanǵan.
"Daıyndyq rejımine kóshirý Reseı tarabynan jaǵdaı ýshyqqan jaǵdaıda NATO-ǵa senimdi bolýǵa múmkindik beredi, bul Shyǵys Eýropadaǵy odaqtastarymyzǵa terıtorıalaryn qorǵaý úshin de kerek" delingen vedomstvo málimdemesinde.
Mınıstrlik qarýly kúshterdiń áskerı daıyndyǵynyń qazirgi kúıin aıtpady.
