Tiri bolsam, qazaqqa qyzmet etpeı qoımaımyn!

Álıhan Bókeıhan

Bergeı Rysqalıev Nazarbaevty Londonnan taýyp aldy

19 aqpan 2022 94

Atyraý oblysynyń burynǵy ákimi Bergeı Rysqalıev Londondaǵy qymbat úıleriniń biri One Hyde Park aldynda boljam boıynsha tuńǵysh prezıdent Nursultan Nazarbaevtyń oqqaǵarlaryn vıdeoǵa túsirip aldy.

Bul týraly vıdeony Bergeı Rysqalıev óziniń Instagram paraqshasynda jarıalady.

Qasynda jınalǵan jurtshylyqpen birge aıqaılap, Nursultan Nazarbaevtyń shyǵýyn talap etti. «Nazarbaev – ury! Nazarbaev – Qazaqstannyń jaýy!» degen urandar aıtyldy.

– Myna jerde dıktator Nazarbaev óz qazaqtarynan qashyp keldi. Bul qazaqtyń jaýy. Ol – nómiri birinshi ury. Ony bile berińizder. Sebebi, bul sıakty ury Qazaqstannan 200 mıllıard urlap ketken. Eki býyn qazaqtardy taqyrǵa otyrǵyzǵan. Bundaı ury dúnıe júzinde joq. Óz qazaqtarynan qashyp, 50 oqqaǵarymen birge qazir ǵana qashyp ketti, – dedi Bergeı Rysqalıev.

Eske salsaq, Bergeı Rysqalıev 2006-2012 jyldar aralyǵynda Atyraý qalasy men Atyraý oblysynyń ákimi qyzmetin atqarǵan. 2013 jyly eks-ákimge asa iri kólemde búdjet qarajatyn jymqyrdy jáne qylmystyq top qurdy degen aıyp taǵylǵan bolatyn.

Tergeý bes jylǵa sozylyp, 2019 jyly qazaqstandyq sot Bergeı Rysqalıevti 17 jylǵa, onyń aǵasy, májilistiń eks-depýtaty Armanjan Rysqalıevti 16 jylǵa bas bostandyǵynan aıyrdy. Eki úkim de syrttaı shyǵaryldy.

2020 jyldyń jazynda qazaqstandyq sot Bergeı Rysqalıevtiń otbasy men jaqyndarynan tárkilengen múliktiń «bir bóligin» qaıtarýdy buıyrdy. Rysqalıevtiń múlkin qaıtarýǵa qatysty kasasıalyq shaǵymyn Qazaqstannyń Bas prokýratýrasy berip, ony Joǵarǵy sot tez arada maquldady.



Derekkóz
Bul maqala týraly ne oılaısyz?