Atyraý oblysynyń burynǵy ákimi Bergeı Rysqalıev qańtar oqıǵasy kezinde qaza tapqandardy eske alý mıtıńisine shyqty.
Vıdeo Bergeı Rysqalıevtiń Instagram paraqshasynda jarıalandy.
Mıtıń 13 aqpan kúni Ulybrıtanıa astanasy Londonda ótti. Jınalǵan qaýym Almatyda narazylyq kezinde qoldanǵan «Biz – qarapaıym halyqpyz! Biz – terrorıst emespiz!» banerimen London alańyna shyqty.
«Nazarbaev sottalsyn! Nazarbaev pen onyń tóńiregindegiler sottalsyn!» degen urandar aıtyldy.
Beınekadrlarǵa qaraıtyn bolsaq, kadr syrtynda er adamnyń daýysy estilip tur jáne onyń artynan adamdar urandy qaıtalaýda.
– Biz ádiletti tergeýdi talap etemiz! Halyqqa shyndyq kerek! Tym kóp adam óldi! Bizge ádilettilik kerek! Jazyqsyz adamdardy azaptaýdy doǵaryńdar! Biz táýelsiz jáne ádilet sot júıesin talap etemiz ,– dep urandatty er adam.
Eske salsaq, Bergeı Rysqalıev 2006-2012 jyldar aralyǵynda Atyraý qalasy men Atyraý oblysynyń ákimi qyzmetin atqarǵan. 2013 jyly eks-ákimge asa iri kólemde búdjet qarajatyn jymqyrdy jáne qylmystyq top qurdy degen aıyp taǵylǵan bolatyn.
Tergeý bes jylǵa sozylyp, 2019 jyly qazaqstandyq sot Bergeı Rysqalıevti 17 jylǵa, onyń aǵasy, májilistiń eks-depýtaty Armanjan Rysqalıevti 16 jylǵa bas bostandyǵynan aıyrdy. Eki úkim de syrttaı shyǵaryldy.
2020 jyldyń jazynda qazaqstandyq sot Bergeı Rysqalıevtiń otbasy men jaqyndarynan tárkilengen múliktiń «bir bóligin» qaıtarýdy buıyrdy. Rysqalıevtiń múlkin qaıtarýǵa qatysty kasasıalyq shaǵymyn Qazaqstannyń Bas prokýratýrasy berip, ony Joǵarǵy sot tez arada maquldady.
Derekkóz
