Tiri bolsam, qazaqqa qyzmet etpeı qoımaımyn!

Álıhan Bókeıhan

Shveısarıalyq bankte Nazarbaevtar áýletiniń shotynan 5 mlrd 150 mln dollar tabyldy

20 aqpan 2022 108

Shveısarıalyq Credit Suisse bankiniń derekteri taralýy kezinde Qazaqstannyń burynǵy prezıdenti Nursultan Nazarbaev áýletiniń osy banktegi qarajaty týraly belgili boldy.

Bul týraly OCCRP habarlaıdy.

Nazarbaevtyń ortanshy qyzy Dınara Qulybaeva men onyń kúıeýi Tımýr Qulybaevtyń Credit Suisse-te 2008-2012 jyldar aralyǵynda esepshottary bolǵan. Osy ýaqyt ishinde olardyń esepshottaryna shamamen 5 mıllıard dollar boldy.

Qazaqstannyń eks-prezıdentiniń úlken qyzy Darıǵa Nazarbaevanyń 2008-2012 jyldar aralyǵynda jalpy somasy 150 mıllıon dollar bolatyn alty shoty bolǵan.

Jalpy alǵanda, Credit Suisse bankiniń Nazarbaev áýleti 5 mıllıard 150 mıllıon dollar somasy bar bolǵan.

Qazaqstannyń qazirgi prezıdentiniń otbasy áldeqaıda az – Tımýr Toqaev pen onyń anasy Nadejdanyń Credit Suisse bankinde 1998-2011 jyldar aralyǵynda 5 mıllıon dollary bar shottary bolǵan. Prezıdenttiń qaryndasy Qarlyǵa Izbastınniń esepshottarynda 7 mıllıon dollar bolǵan.

  • «Credit Suisse qupıalary» – shveısarıalyq eń iri Credit Suisse bankiniń esepshottary týraly málimettiń syrtqa shyǵyp ketýine baılanysty qurylǵan transshekaralyq jýrnalısik zertteý jobasy.

Bul derekterdi anonım derekkóz nemistiń Süddeutsche Zeitung gazetine jetkizgen, olar muny OCCRP jáne basqa elderdegi 46 seriktes medıaǵa taratty. Bes qurlyqtaǵy jýrnalıser bank faıldaryn zerttep, ınsaıderlermen, tergeý organy qyzmetkerlerimen sóılesip, alynǵan qorytyndy nátıjelerdi sot jazbasy men qarjylyq esepter arqyly tekserip shyqty. Syrtqa shyǵyp ketken aqparatta 1940 jyldan bastap, 2010 jyldardyń orta tusyna deıin ashylǵan 18 myń esepshot týraly derekter bar. Bul esepshottardaǵy jalpy qarjy kólemi júz mıllıard dollardan astam.



Derekkóz
Bul maqala týraly ne oılaısyz?