Tiri bolsam, qazaqqa qyzmet etpeı qoımaımyn!

Álıhan Bókeıhan

Belsendi Janbolat Mamaıǵa shabýyl jasaǵan kimder?

23 aqpan 2022 93

Jańaózende «tıtýshkalar» tirkelmegen Qazaqstan demokratıalyq partıasynyń jetekshisi Janbolat Mamaıǵa shabýyl jasaǵan.

Buǵan deıin sherýge qatysqan Jańaózendikter belsendi Janbolat Mamaıdy taspen atyp, qýdy degen aqparat taraǵan. Mamaıdyń jubaıy Inga Imanbaı bul aqparatty joqqa shyǵardy.

Al Mamaıdyń ózi:

«Halyqtyń máselesin bilýge ​​kelgenimizde munda bir top arandatýshylar kelip, bizge shabýyl jasaı bastady. Bul bıliktiń arnaıy «tıtýshkalary» dedi QazTAG-ke bergen suhbatynda.

Belgili bolǵandaı, mıtıńige 10-20 adam kelgen. Vıdeodan betin búrkegenderdiń kim ekenin anyqtaý qıynǵa soqqan. Sebebi, olar kózildirik, kapúshon kıip, maska taǵyp alǵan.

Mamaıdyń serigi, belsendi Abzal Dostıarovtyń aıtýynsha, polıseıler «tıtýshkalardyń» jolyn bógemegen, belsendilerdi kópbalaly analar qorǵaǵan.

Jergilikti belsendi Serik Baqtybaıuly «tıtýshkalar» túsirý jabdyǵyn syndyrǵanyn aıtty.

Sondaı-aq, vıdeodan «tıtýshkalardyń» belsendilermen qatar kópbalaly analarǵa jumyrtqa atqandaryn kórýge bolady.

«Olardy daıyndaǵan ákimdik», – dedi áıelderdiń biri.

Telegram arnalardyń biri, Janbolat Mamaıǵa shabýyldy qala ákimi Maqsat Ibaǵarov uıymdastyrdy degen boljam jasaǵan. Shabýylǵa jergilikti bıliktiń «Teńge» esimdi tobynan qylmysker aǵaıyndar qatysqan.

Eske salsaq, búgin Jańaózende kópbalaly analar beıbit sherýge shyǵyp, prezıdentten jalǵa berilgen páterlerdi jekeshelendirýdi surady.



Derekkóz
Bul maqala týraly ne oılaısyz?