Qytaı syrtqy ister mınıstri 23 aqpanda Taıvan – Ýkraına emes, ol únemi Qytaıdyń quramynda bolǵan dep málimdedi. Onyń aldynda Taıvan prezıdenti Saı Inven Shyǵys Eýropada terıtorıalyq daý ýshyqqan shaqta saqtyqty kúsheıtýge úndegen.
Al oǵan deıin Ulybrıtanıa premer-mınıstri Borıs Djonson eger Batys elderi Ýkraınanyń táýelsizdigin qoldaý týraly ýádesin oryndaı almasa, onyń ǵalamdyq saldary bolýy múmkin dep eskertip, Taıvan jaǵdaıyn mysalǵa alǵan.
Qytaı syrtqy ister mınıstrliginiń resmı ókili Hýa Chýnın Ýkraına men Taıvan arasynda esh uqsastyq joǵyn alǵa tartty.
"Taıvan - Ýkraına emes. Taıvan ylǵı Qytaıdyń ajyramas bóligi bolǵan. Bul daýsyz zańdy jáne tarıhı fakt" dedi ol.
Qytaı AQSH odaqtasy Taıvandy jeke memleket emes, Qytaı quramyndaǵy provınsıa dep sanaıdy.