UQK 23 aqpanda Ulttyq qaýipsizdik komıteti tóraǵasynyń burynǵy orynbasary Marat Ósipovtiń sot sanksıasymen qamaýǵa alynǵanyn habarlady. Ol "laýazymyn asyra paıdalandy" degen kúdikpen 22 aqpanda ustalǵan.
Eldegi Qańtar oqıǵalarynan soń UQK tóraǵasy Kárim Másimov jáne onyń eki orynbasary Dáýlet Erǵojın men Ánýar Sadyqulov qamaýǵa alynǵan. Olarǵa bılikti kúshtep basyp alý, qyzmetin asyra paıdalaný jáne memleketke opasyzdyq jasaý baptarymen qylmystyq is qozǵalǵan.
eldiń eks-prezıdenti Nursultan Nazarbaevtyń jaqyn serikteriniń biri Kárimov UQK tóraǵalyǵyna 2016 jyly kelgen. Erǵojın, Sadyqulov, Ósipov onyń orynbasary bolyp 2016 jyly taǵaıyndalǵan.
Másimovtiń birinshi orynbasary qyzmetin Nazarbaevtyń nemere inisi Samat Ábish atqaryp kelgen edi. Ol da qańtardaǵy qyrǵynnan soń qyzmetten ketti.
Bılik Qańtar oqıǵasyn memlekettik tóńkeris dep ataǵan. Biraq tóńkeristi kim jasamaq bolǵanyn naqty ashyp aıtpady. Resmı derek boıynsha, Qańtar qyrǵynyynda 227 adam qaza bolyp, júzdegen adam qamaýǵa alyndy. Qazir 2,7 myń qylmystyq is qozǵalǵan. Ondaǵan adamnyń túrmede azaptalǵany da aıtyldy. Bas prokýratýranyń dereginshe, túrmedegi azaptaý kezinde alty adam qaza tapqan.
Sarapshylar jyl basyndaǵy qandy oqıǵany Nazarbaev pen qazirgi prezıdent Qasym-Jomart Toqaevtyń aınalasyndaǵylardyń elıtaaralyq qaqtyǵys degen. Aqorda men Nazarbaev elıtaaralyq janjaldy joqqa shyǵarǵan.
