Aqtaý qalasynda 14 yqsham aýdanyndaǵy páterden áıel adamnyń máıiti tabyldy. Bul týraly polısıa departamenti málimdedi. Jergilikti Lada.kz basylymyna marqum áıeldiń kórshileri bolǵan jaıtty tolyǵymen baıandap bergen.
Qaıtys bolǵan áıeldiń esimi - Parahat. 1972 jyly týǵan kelinshek. Ol 9-qabatty úıdiń 2-shi qabatynda turǵan. Kórshileriniń aıtýynsha, ólimine kúdikti dep tanylǵan er adam marqumnyń súıiktisi bolǵan sekildi.
Kórshileriniń aıtýynsha, áıeldi pyshaqtap óltirgen, keıin kúdikti páterdi órtep jibermek bolǵan.
Saǵat tańǵy beste barlyǵymyz 10 mınýtqa dalaǵa shyqtyq. Bul kezde polısıa qyzmetkerleri men órt sóndirýshiler kelgen bolatyn. Kúdiktini 9-qabattan ustady. Órt sóndirýshilerdi 2-qabattaǵy kórshiler shaqyrǵan,-dedi kórshisi.
Polısıa departamenti jaǵdaıǵa qatysty egjeı-tegjeıli túsinikteme berdi.
«Adam óltirý deregi boıynsha qylmystyq is qozǵaldy. Kúdikti ustalyp, ýaqytsha ustaý ızolátoryna qamaldy. Tergeý múddesi sáıkes basqa málimetter jarıalanbaıdy», - dep habarlady vedomstvonyń baspasóz qyzmeti.
