Tiri bolsam, qazaqqa qyzmet etpeı qoımaımyn!

Álıhan Bókeıhan

Sansyz dúmpýden keıin Almatydaǵy jer silkinisiniń jaı-japsary zertteletin boldy

13 sáýir 2024 488

Almatyda seısmologıalyq zertteý júrgiziletin boldy,dep habarlaıdy Alash.KZ ulttyq portaly. 

Prezıdent Qasym-Jomart Toqaev ǵylym jáne tehnologıalar jónindegi ulttyq keńestiń otyrysynda arnaıy zertteý júrgiziletinin málimdedi. Naqtyraq aıtsaq, Almaty aýmaǵyna arnaıy seısmologıalyq zertteý júrgiziletin bolady. Ákimdik bul baǵytqa 3 jyldyq zertteý jumystaryna qarjy bóledi.

Sondaı-aq Tarazdaǵy gıdromelıoratıvtik qurylys ınstıtýty qaıta qalpyna keltirilip, materıaldyq-tehnıkalyq turǵydan tolyq jabdyqtalady. Memleket basshysy Seısmologıa ınstıtýtynyń jaǵdaıy da máz emes ekenin aıtty. Úkimetke osy ınstıtýttyń ǵylymı áleýetin arttyrýǵa qatysty naqty usynystar daıyndaýdy tapsyrdy.

"Taǵy da qaıtalap aıtqym keledi, memlekettik organdar barlyq iste, eń aldymen, sapaly ǵylymı qorytyndyǵa súıenýi kerek. Bul – óte mańyzdy mindet. Sheshimder ábden pysyqtalyp, naqty negizdelip baryp, qabyldanýǵa tıis. Taldaý júrgizip, ahýaldy boljaý úshin ǵalymdardyń qolynda, zertteý ortalyqtarynda qajetti qural-jabdyqtar bolýǵa tıis", - dedi Prezıdent. 
Bul maqala týraly ne oılaısyz?