Antıkor málimetinshe, tergeý "Altyn adamnyń" álem murajaılary boıynsha sherýi" halyqaralyq kórmesin ótkizýge, sondaı-aq "Qazaqstannyń ulttyq kıeli nysandary men mýzeı qorlaryn jalpymemlekettik fotogrammetrıalyq 3D-skanerleý" jáne "Qazaqstan Respýblıkasynyń Ulttyq sıfrlyq kınokolleksıasyn sıfrlandyrý" jobalaryna bólingen búdjet qarajatyn urlaý deregi boıynsha júrgizilip jatyr.
Sonymen qatar, A.Muhamedıulynyń mádenıet jáne sport mınıstri laýazymynda bolǵan kezinde týystarynyń jáne úlestes tulǵalarynyń menshigine "Sý jáne qoldanbaly sport túrleri boıynsha Respýblıkalyq joǵary sport sheberligi mektebi" RMQK, "Qazaq ensıklopedıasy" AQ jáne "Qazaq ǵylymı-zertteý mádenıet ınstıtýty" JSHS zańsyz berýge qatystylyǵy tekserilip jatyr.
"Tergelip jatqan qylmystyq ister boıynsha memleketke keltirilgen zalaldyń aldyn ala somasy shamamen 7 mıllıard teńge.
A.Muhamedıulynyń qamaýda ustaý merzimi 4 aıǵa deıin, osy jyldyń 26 qyrkúıegine deıin uzartyldy. Tergeý jalǵasyp jatyr", - delingen habarlamada.
