Tiri bolsam, qazaqqa qyzmet etpeı qoımaımyn!

Álıhan Bókeıhan

Erlan Qarın. Qutlyq Elteris qaǵannyń kesheni men jazýy tabyldy

27 tamyz 2022 79

Qazaq ǵalymdary Darhan Qydyráli, Nápil Bazylhan, Nurbolat Bógenbaev mońǵolıalyq áriptesterimen birlesip Qutlyq Elteris qaǵannyń kesheni men jazýyn tapty. «Nomgon» birlesken ekspedısıasyn Halyqaralyq Túrki akademıasy men Mońǵolıa Ǵylym akademıasynyń Arheologıa ınstıtýty birlesip júrgizgen bolatyn.
Mamandar Nomgon keshenin Kúltegin men Bilge qaǵannyń ákesi, Túrik qaǵandyǵyn qaıta jańǵyrtýshy Qutlyq Elteris qaǵanǵa arnalǵan degen tujyrym jasap otyr. Sonymen qatar tabylǵan bitiktas «túrk» ataýy alǵash ret kezdesetin eń kóne túrki dáýiriniń jazba eskertkishi ekenin málim etti.
Bul túrkologıa ǵylymyna ǵana emes, álemdik ǵylymǵa qosylǵan tyń jańalyq, zor úles. Búgin Darhan Qydyrálimen habarlasyp, qazaq ǵalymdarynyń tarıhı tabysymen quttyqtap, qýanyshqa ortaqtastyq. Ol jýyq arada baspasóz máslıhatyn ótkizip, bitiktastaǵy jazýlardyń syryn ashyp, jalpy jurtqa jarıalaıtyndaryn aıtty. Osylaısha, otandyq ǵalymdar kóne zamannyń kómbesin taýyp, ony álemdik aınalymǵa engizbek.

Bul maqala týraly ne oılaısyz?