Almaty men elorda kósheleriniń birine belgili memleket jáne qoǵam qaıratkeri Altynbek Sársenbaıulynyń aty berilýi múmkin. Bul týraly Eýrazıa birinshi arnasy jazdy.
Altynbek Sársenbaıulynyń esimine kóshe aty berilýi múmkin degen jańalyqty Birinshi arna İnstagram-daǵy paraqshasynda jazdy. Onda qýanyshty jańalyqty belgili jýrnalıs Saǵatbek Medeýbekuly jazdy degen. Iaǵnı ónertanýshy saýalyna ákimdikten jaýap kelipti.
“Astana men Almatydaǵy kóshelerge Altynbek Sársenbaıulynyń aty berilýi múmkin. Bul týraly belgili jýrnalıs, pýblısıs, óner zertteýshisi Saǵatbek Medeýbekuly habarlady”, — dep jazylǵan aqparatta.
Altynbek Sársenbaıuly — 1962 jyly 12 qyrkúıekte Almaty oblysy, Raıymbek aýdany, Qaınar aýylynda dúnıege kelgen. Qazaqstannyń memleket jáne qoǵam qaıratkeri, dıplomat, jýrnalıs.
Kózi tirisinde Qazaqstannyń Reseı Federasıasyndaǵy Tótenshe jáne Ókiletti Elshisi, Aqparat jáne qoǵamdyq kelisim mınıstri boldy. Sonymen qatar "Aq jol" saıası partıasynyń negizin qalaýshylardyń biri.
Biraq 2006 jyly aqpan aıynda Altynbek Sársenbaıulyn eki kómekshisimen birge urlap áketip, atyp óltirdi. Qylmysqa Ulttyq qaýipsizdik komıteti "Arystan" tobynyń ofıserleri qatysqany anyqtaldy.
