Parlament Májilisiniń eks-depýtaty Darıǵa Nazarbaeva «Astana-Arena» stadıonynda fýtboldan balalar arasynda ótken AR cup 2022 kýbogynyń ıegeri men júldegerlerin marapattady.
Bul týraly KTK telearnasy habarlady.
Bıyl AR cup 2022 kýbogy Darıǵa Nazarbaevanyń uly Aısultan Rahatty eske túsirý úshin alǵash ret ótkizildi. Týrnırdi uıymdastyrýshy eks-fýtbolıst Maksım Jalmaǵambetovtyń aıtýynsha, jarys aldaǵy ýaqytta dástúrli túrde ótkizile beredi.
Bıylǵy týrnırge elimizdiń jer-jerinen 150-den astam bala qatysty. Kýbokty astananyń klýby jeńip aldy. Ekinshi oryndy Qaraǵandynyń «Shahter» komandasy, al úshinshi oryndy Almatynyń «Qaırat» jasaǵy ıelendi.
