"Aldyn ala málimetter boıynsha 28 tamyzda "Molodejnyı" razrezinde "BelAZ" avtokóliginiń júrgizýshisi manevr jasaý kezinde "ÝAZ" avtokóliginiń sol jaq bóligine soqtyǵysty. Oqıǵa nátıjesinde "ÝAZ" avtokóliginiń júrgizýshisi men onyń jolaýshysy alǵan jaraqatynan kóz jumdy, osy kóliktiń taǵy úsh jolaýshysy medısınalyq mekemege jetkizildi", - dep habarlady PD ókili.
Bul derekke qatysty Qylmystyq kodekstiń 156-baby 4-bóligi "Abaısyzda eki nemese odan da kóp adamnyń ólimine ákep soqqan eńbekti qorǵaý erejelerin buzý" boıynsha qylmystyq is tirkeldi. Qazir oqıǵanyń mán-jaıyn anyqtaý úshin tergeý sharalary júrgizilip jatyr.