Onyń sózinshe, EO Ýkraınaǵa sarbazdaryn daıyndyqtan ótkizý boıynsha kómektesip keledi. Biraq olarǵa jaqsy úılestirý jumystaryn úıretý kerek dedi.
Arnaıy mısıa qalaı jumys isteıtinin Jozep Borrel naqty aıtpady. Biraq ýkraın sarbazdaryn EO-ǵa múshe kórshi elderde daıyndyqtan ótkizemiz edi.
Pragadaǵy kezdesýde Borreldiń bul ıdeıasyn bári birdeı qoldamady. Lúksembýrgtiń qorǵanys mınıstri Fransýa Baýsh bul ıdeıaǵa kúdikpen qarady. Ol bul másele ekijaqty kelissózde sheshilýi tıis degen. Avstrıa qorǵanys mınıstri Klaýdıa Tanner de osyndaı oı aıtqan.
Budan bólek Pragaǵa kelgen Eýroodaqtyń syrtqy ister mınıstrleri Reseı men Belarýs azamattaryna shengen vızasyn shekteý jónindegi máseleni talqylap jatyr. Baltyq elderi, Polsha jáne Nıderland vıza berýge tolyq tyıym salýy kerek dese, Germanıa men Fransıa jeńildetilgen vızany ǵana alyp tastaý kerek deıdi.
