"Sizder kúletin shyǵarsyzdar. Biraq men qaıtadan aıyp ızolátoryndamyn. Jeksenbi kúni keshke shyǵaryldym. Dúısenbi qaıta kirgizdi. Olar maǵan bul jerden odan ári shyqpaıtynymdy jasyrmady. Biraq meni nege qaıta kirgizgenin bilip aldym. Men saıası turǵydan óte belsendi ekenmin. Kremlge Batys elderi taraptan sanksıaǵa engizýi tıis 6000 adamnyń tizimin jarıalaýymyz jaqpaı jatyr eken", - dep jazylǵan 30 tamyzdaǵy jazbasynda.
Alekseı Navalnyı munyń aldynda 15 tamyzda aıyp ızolátoryna jabylǵan. Oǵan tańerteń jýynýǵa bara jatqanda, túrmedegi arnaıy formany kımegeni úshin eskertý jasaǵan. 24 tamyzda Alekseı Navalnyı kúzetshiniń "qolyńdy artqa ber" degen buıryǵyn dereý oryndamaǵany úshin taǵy bes táýlikke aıyp abaqtysyna qamalǵan.
Prezıdent Vladımır Pýtındi únemi synap, orys bıliginiń korrýpsıalyq áreketterin áshkerelep kelgen Navalnyı 2020 jyldyń tamyz aıynda ýlanyp, Germanıaǵa jetkizilgen. Ol 2021 jyldyń qańtar aıynda Reseıge qaıta oralǵan bette ustalǵan. Ol "Iv Roshe" isine qatysty shartty jazanyń erejesin buzdy dep aıyptalyp, sottalǵan. Keıin oǵan alaıaqtyq babymen jańa aıyptar taǵyp, toǵyz jylǵa erkinen ajyratý jóninde úkim shyǵarǵan.
