Beısenbiden jumaǵa qaraǵan túni aqyn, Qazaqstannyń eńbek sińirgen qaıratkeri Arman Qanı dúnıeden ozdy. Qaıǵyly qaza týraly QR Jazýshylar odaǵy Pavlodar oblysy fılıalynyń dırektory Jarqynbek Amantaı jazdy.
Búgin beısenbiden jumaǵa qaraǵan túni kúresker aqyn, Qazaqstannyń eńbek sińirgen qaıratkeri, «Alash» ádebı syılyǵynyń ıegeri Arman Qanı aǵamyz dúnıeden ótti degen sýyt habar kelip jetti.
Uzaqqa sozylǵan aýyr naýqas qaısar rýhty aǵamyzdy aqyry jeńgen eken…
Allanyń syzǵan taǵdyryna amal joq!
Alty Alashqa, qazaq eline qaıǵyryp kóńil aıtamyz! – dep jazdy Jarqynbek Amantaı.
Qazaqtyń kórnekti qalamgeri Arman Qanı 1954 jyly 22 aqpanda Pavlodar qalasynda týǵan. Aqynnyń «Ar aldynda» (Pavlodar, «EKO» – 2001 j.), «Qyzyl túnektegi aq burqaq», «Tamshylar» (Pavlodar, «EKO» – 2004 j.) «Shyndyqpen betpe-bet» (Almaty, «Qazaqparat» – 2006 j.), «Juldyzdy tuman» (Pavlodar, «Kereký» – 2008), «Sen jáne men» (Astana, «Folıant» – 2012), «Úılesim» (Pavlodar, «Brand print» – 2014) jyr jınaqtary jaryq kórgen.
