Qazaqstan prezıdenti Qasym-Jomart Toqaevtyń jarlyǵymen Darhan Satybaldy Túrkistan oblysynyń jańa ákimi bolyp taǵaıyndaldy.
Darhan Satybaldynyń Feısbýk pen Instagramda paraqshalary bar ekeni belgili, biraq ol áleýmettik jelini belsendi qoldanýshy emes.
Ómirbaıany
Darhan Amangeldiuly Satybaldy 1974 jyly 26 naýryzda Ońtústik Qazaqstan oblysy, Saryaǵash aýdany, Abaı aýylynda dúnıege kelgen. Úılengen, úsh qyz, bir ul tárbıelep otyr.
Astanada EQYU-nyń VII samıtin daıyndaýǵa jáne ótkizýge belsene qatysqany úshin «Astananyń 10 jyldyǵy» merekelik medalimen, «Eren eńbegi úshin» medalimen, Qazaqstan Respýblıkasy Prezıdentiniń Alǵys hatymen marapattalǵan.
Bilim
1996 jyly Satybaldy S.Seıfýllın atyndaǵy Aqmola aýyl sharýashylyǵy ınstıtýtyn bitirgen. 2003 jyly Qazaq gýmanıtarlyq zań ýnıversıtetinde ekinshi joǵary bilimdi aldy. Ekonomıka ǵylymdarynyń kandıdaty.
Eńbek qyzmeti
2010-2011 jyldar aralyǵynda Darhan Satybaldy Qazaqstan Respýblıkasy Ulttyq qaýipsizdik komıtetiniń departament basshysy bolyp jumys istedi. 2011 jylǵy tamyzda Qazaqstan Respýblıkasy Premer-Mınıstri Keńsesiniń áleýmettik-ekonomıkalyq bólimi meńgerýshisiniń orynbasary bolyp taǵaıyndaldy.
2013 jyly Darhan Satybaldy Ońtústik Qazaqstan oblysy Shymkent qalasynyń ákimi bolyp keldi.
Memleket basshysy Darhan Satybaldynyń Shymkent qalasynyń ákimi qyzmetine qala men onyń turǵyndary úshin eń jaýapty kezeńde kelgenin atap ótti. Prezıdenttiń boljamy boıynsha, Shymkent Almaty men Qazaqstannyń astanasynan keıingi mıllıonnan astam úshinshi qala bolýy kerek.
Memleket basshysynyń tapsyrmasy boıynsha Shymkentti damytý máselesi elimizdegi osy dárejedegi eń jas sheneýnikterdiń biri ákim Darhan Satybaldyǵa júkteldi, dep atap ótti óz sózinde.
Satybaldy bul qyzmette 2015 jyldyń tamyz aıyna deıin jumys istegen. Osydan keıin Shymkent qalasy basshysynyń kreslosyna Ǵabıdolla Ábdirahymov otyrsa, Darhan Amangeldiuly onyń orynbasary boldy. 2018 jyldyń qazan aıyna deıin Satybaldy qalasy ákiminiń orynbasary qyzmetin atqardy, odan keıin Qazaqstan Respýblıkasy Parlamenti Senatynyń depýtaty bolyp saılandy.
2019 jyldyń 18 naýryzynda Darhan Amangeldiuly Qazaqstan Respýblıkasynyń Ózbekstan Respýblıkasyndaǵy Tótenshe jáne Ókiletti Elshisi qyzmetine taǵaıyndaldy.
Aǵymdaǵy jyldyń 11 qańtarynda Qazaqstannyń Ózbekstandaǵy dıplomaty retinde Darhan Satybaldy brıfıńte qańtardaǵy tártipsizdikterdiń hronologıasyna qatysty pikir bildirdi.
«Bolǵan oqıǵalar san qyrly boldy. Taza ekonomıkalyq talaptarmen bastalǵan sherýlerdi lańkestik toptar eldiń konstıtýsıalyq qurylymyna nuqsan keltirý úshin paıdalandy»,- dedi Darhan Satybaldy.
Satybaldy sonymen qatar Qazaqstan-Ózbekstan shekarasynyń jabylýyna qatysty rastalmaǵan aqparatty joqqa shyǵaryp, qańtar oqıǵasy kúnderi baqylaý-ótkizý beketteri qalypty jumys istep turǵanyn aıtty.
Sondaı-aq, 2022 jylǵy tamyz aıynyń basynda Qazaqstan Respýblıkasynyń Ózbekstandaǵy Elshisi qyzmetin atqara otyryp, Darhan Satybaldy eki el arasyndaǵy dıplomatıalyq qarym-qatynastyń ornaǵanyna 30 jyl tolýyna oraı «Dostyqqa 30 jyl» atty maqalasynda eki el arasyndaǵy qarym-qatynasqa baǵa berdi. Dıplomattyń aıtýynsha, Qazaqstan men Ózbekstandy baılanystyratyn shekarany dostyq shekarasy dep ataýǵa bolady, óıtkeni respýblıkalar eshqashan «eńserilmeıtin qaıshylyqtarǵa» tap bolǵan emes.
Darhan Satybaldy 2019 jyldan bastap 2022 jyldyń 31 tamyzynda Túrkistan oblysynyń ákimi bolyp taǵaıyndalǵanǵa deıin Qazaqstannyń Ózbekstandaǵy Elshisi qyzmetin atqarǵan.
Taǵaıyndaýdan keıin qoǵamda oblysqa jańadan kelgen basshy qamaýǵa alynǵan Qaırat Satybaldynyń týysy ma degen daý týdy. Daýly máseleniń anyq-qanyǵyn bilý úshin Zakon.kz redaksıasy Túrkistan oblysynyń ákimdigine júgindi.
Túrkistan oblysynyń ákimi Darhan Satybaldy Q.Satybaldynyń týysy emes, delingen resmı saýalǵa jaýapta.
1 qyrkúıekte Parlament palatalarynyń birlesken otyrysynda Túrkistan oblysynyń jańa ákimi otbasy týraly aıtty.
«Men ózim kóp balaly otbasynanmyn, alty ulymyz bar, besinshisimin, inim bar. Memlekettik qyzmette jalǵyz menmin, qalǵandary bıznesmender», – dedi Darhan Satybaldy.
